بالنسبه للاطفال خذوها قااااااعده طالما الطفل يسهر وطالما نومه ملخبط بينحط في حالتين لاثالث لهما
ياانه بتنسد نفسه عن الاكل خير شر لدرجة ماياكل شي تستغربين كيف عايش الا ملاعق معدوده لاتذكر طوال اليوم
او انه يفرط على الاكل ويصير سمين ويفقد صحته لاقدر الله
اذن كل ام تبي طفلها ياكل اولا تنظم نومه الطفل لازم ينام عشان ينمو كل شي فيه ينمو ويرتاح مخه عقله اعضاءه
وزنه جسمه كل شي ينتظم
لازم الطفل يكون بفراشه 7 ونص و8 الى 8 ونص وهو نايم
واذا مرررره خليه الين 9
شوفي النفسيه كيف بعد مايصحى ويغسل تلاقينه يسولف ومنبسط ونفسيته عال العال
عكس اللي نومه ملخبط طول اليوم متكدر ونقاق ويبكي وعنيد ومشاكس وفيه فرط حركه او خمول شديد
ومعكر مزاجه وبس يبكي وممتعض
كله من النوم السر في النوم ياامهات اسمعو نصيحتي
الحين مدرسه مافي سبب يخليه يسهر لبعد ال9 ابدا ابدا
طيب ننتقل لنقطه ثانيه وهي الاكل
الطفل الحين تنظم نومه وكل شي تمام سويلها اكلات محببه واطباق ملونه
واهم شي الوجبات الرئيسيه
ورجاء ياامهات خففو من الخرابيط شيبسات وشوكلت وبساكيت وكيك ووالخ
اعطوهم بس بالمعقول انا اعطي والله مايقصرون بس نحاول نضبط ونحط حوافز ونشرح المخاطر
افكار لبعض الاكلات المحببه عند الاطفال
الشعيريه بالحليب والمهلبيه التمر مع الزبده والسمسم مع كوب حليب بعده
البطاطس بكل انواعها اي شي مكور ومقلي يجذبهم
ورق العنب الكبه معجنات حجم صغير ومحشيه اشياء محببه
غير الوجبات الرئيسيه اللي لازم تكون مع الاسره
واصبرو عليهم انا والله اطفالي مهم راعين اكل ويدوب الواحدمنهم ياكل ملعقتين من الوجبه
واحيانا يرجعون بفطورهم حق المدرسه
واحيانا ماياكلون الا الغدا وعليه او عشا لحاله
واحيانا كثيره يكتفون بالخفايف
الاطفال هذا طبعهم وطبيعي فيهم
ف انتي اعملي الاصباب ولاتضغطين عليهم
بالنسبه للي بالمره طفلها بعد كل النصايح رفض الاكل هنا لازم طبيب عشان يعطيه فيتامينات تفتح شهيته وتعوضه وممكن يحتاج تحاليل
هذا ماعندي اعطوني ماعندكم
مين مهمله صحتها وشاحبه ونومها ملخبط هلمو سوف ننطلق
متابعة النقاش، صفحة 31