مو قادره اتقبل فكرة انه بيسافر و مابيرجع الا بعد سنين طويله .. وربي بيذبحني الهم

السلام عليكم

بصراحه مدري من وين ابدأ
اخوي اصغر مني بـ3 سنين بكره بيسافر لامريكا عشان يكمل دراسته
وانا وربي قلبي يعورني مانمت وصار لي فتره ماانام مثل البشر حتى وانا بعز نومي اصحى واجلس ابكي
صار لي فتره طويله وانا هذي حالتي
احس روحي بتطلع مني بفارق اعز انسان
اخوي هذا بالذات انا ظلمته وهو صغير ماكنت احبه وياما ضربته وياما هاوشته لانه جا بعدي على طول وكنت اكرررهه من قلب لاني كنت اشوف انه اخذ مني اهتمام اهلي كبرنا وتغيييير كل هالكره اللي كان بقلبي الى محبه مااارضى عليه ولا احب احد يزعله وصار هو قريب لي مره
مع ان احياناً نتهاوش بس نرجع نتصافى بسرعه
والله العظيم اكتب ودموعي حارقه خدي احس كل شي انتهى احس هذي بداية فراقنا
مابشوفه الا بعد سنين طويله والله يعلم وقتها انا حيه او ميته
حتى لو كنت وقتها عايشه ورجع بعد 5 او 6 سنوات اكيد بيقول بتزوج وبتسرقه الدنيا مني

مو قااادره اتقبل فكرة فراقه حتى لو شفته كل يوم بالشاشه احس ماااابتطفي النار اللي بصدري

يمكن حتى الله يكتب لي نصيب واتزوج ماااااااتخيل انه ماااابيكون جنبي ماااااااااتخيل
انا مو من كثر اخواني عشان اقول في احد يسد مكانه مع ان حتى لو عندي 60 اخو مستحيل احد يسد مكان احد

حاسه بتأنيب الضمير اتجاهه انا ظلمته وهو صغير كثير

احس بغصة بحلقي احس نيران بصدري نفسيتي زفت بزفت صار لي مده طويله كل ماقربت الايام احس اني بمووووت من الهم والتعب والصياح

بس بنفس الوقت هذا مستقبله هو الله يهديه ما شد حيله بالثانوي وجاب نسبه حلوه
ماااافي جامعه بالسعوديه رضت فيه وربي ولااااا جامعه حتى اللي بفلوس

و الحين هذا الحل الوحيد انه يسافر بس روحي بتروح بكره
مدري وش اسوي مااابقدر اودعه ولا بقدر اروح المطار معااه وهو مصر نكون كلنا معاه بالمطار وابوي بعد ملزم الا اروح

عارفه حالي ماابسكت ولا بقدر امسك نفسي وبقلبها عزا وهالشي مو زين حتى لنفسيته هو
وغير كذا امي اللي كاسره خاطري مااسكه دمعتها بالقووه بالغصب وابوي نفس الشي

امس بدأ بترتيب شنطته وانا من امس لليوم دمعتي ماااجفت
واليوم بيكملها ومووو قادره اشوف هالمنظر قدامي مره ثانيه
حاسه بضياااااااع وبقهر مغبوووونه بقوه اسووووء شي بالدنيا الفراق


ي الله وش قد الدنيا قصيره وتفرق الناس عن احبابهم


وش اسوي ابي شييي يبرد قلبي ويطفي هالنار اللي شابه بقلبي
الله لا يذوقكم وجع الفراق يارب