قصه صديقتي هدية زوجها

تصدقو يبنات كل كلامكم قلتو لها بس قالتلي اشياء تخيلو كل الي سوا معها من تكبير الموضوع والاهانه ومسوي نفسو زعلان منها ومايكلمها ويقلها ماراح تشوفي مني ريال قالتلو ربنا غانيني مابي شي قلها هذي وظيفتك انا الي سويتك وخليتك ادميه هذي فلوسي انا انتي ماجتي من بيت اهلك موظفه اش رايكم


🌹💗🌹

   حلاة الهدية تجي منه مفآجآه .. بأحساس منه ولا مابيها .. 
    
  

الله يهديهم

نفس موقفي مع زوجي
مرة صارت نفس المشكلة واتصلت في مختص
قال لي ما شفت أحد حياتي يطر الهدية
الهدية تهدى مو تطلب أو تطر هههه
أخجلني وحرررمت أطلب زوجي شي

والمصروف خليها تحط معه في البيت مو مشكلة
لكن لا تغلط غلطتي
أنا قمت أحط في البيت من وراه بدون ما يحس
أشتري حفايظ للأطفال وأشتري طماط وفواكه
يعني أشياء ما يلاحظها وفي الأخير جحدني وقال انتي ما تسوين شي
ولا تساعديني وحلفت إني أحط معه وما صدقني

عقبها قمت أحط مساعدتي في ايده وهو يتصرف
لكن للعلم زوجي مخنوق ومزنوق وعليه أقساط وديون عند أكثر من شخص
ومديون للبنك كمان يعني فعلا ما معه
لكن إذا زوجها مادياته كويسة ومبسوط ماله داعي تصرف على بيته
بيجمع الفلوس وبيتزوج فيها وهي بخليها تصرف على البيت ومو من واجبها

بغض النظر هي المناسبة حرام او حلال
من حق الزوجة يهديها لها دور عظيم
ايش معنى في هدايا الناس نعترف فيها انها مهمة
ودايما نتناصح ادخلي وبيدك شي لأهلك واهل زوجك
الزوج كمان لازم يدخل بهدية حتى بدون مناسبة
ان ماعرف اهميتها اهي عرفته
احنا مانقول كل ماتبغي هدية تروحي تطلبيها
لأ
تعلميه اهميتها في حال كان مايهدي ابدا
تهادوا تحابوا.

نصيحتي لها تلم فلوسها وتتعلم من موقفها
شاف الهدية كتيرة عليها
لأنها هي تصرف عالبيت
فكيف تطلب منه هدية؟
تصرف عالبيت وجاية تطلب النقطة الصغيرة منه؟
طبيعي يستكترها
سبحان الله اللي ماتصرف ريال عالبيت زوجها يجيب لها لبن العصفور لو تبغى
واللي تصرف يستكتر عليها حليب بريال من البقالة
امركم عجيب يالزوجات ياللي تصرفو على بيوتكم بحضرة ازواجكم المرتاحين ماديا
متى تتعلمو ان الصرفية عالبيت هي واجبة عالزوج
احفظو فلوسكم الله يصلحكم
مو تجو تطالبو بهدايا وانتو عندكم في نضر ازواجكم اكتر من الهدايا
في نضر ازواجكم مانتو بحاجتها
وان طلبتوها طلبتوها عناد واسراف.
فوقو لنفسكم واحفظو اموالكم .
حاسبو انفسكم قبل تحاسبو الغير
^
كلامي موجه لفئة معينة.