في وايد حلول مثل أطفال الأنابيب و الحقن المجهري هل فكر يسويها ؟؟ الله يرزقه يارب
انا عن نفسي عايشة نفس العيشة مع زوجي من ناحيته هو ماينجب وحتى أطفال الأنابيب صعب بحالتنا لان المشكلة فيه مشكلة خلقية وماتتعالج بحبوب ولا إبر
زوجي صحيح أسلوبه ومعاملته ودلعه لي من أحسن مايكون ودايما طلعات ودخلات
بس حاسة عمري ما أقدر اعيش في هذا الوضع استانس صح كم يوم عقب أرجع اكتئب عشان موضوع العيال
اذا في وحده ماسبق لها الانجاب وتتزوج واحد فيه هاذي الصفات يمكن تستانس لفترة بس وربي كل بنت عندها مشاعر الأمومة وودها يكون في حضنها بيبي ويكون لها وتحس صدق انها أم
أنا عن نفسي .. كملت الحين سنين و والسنة الجاي اخر سنة ببقى فيه معاه عقب مافكرت بشكل منطقي
لان صح بعض الناس وراهم 6 و7 وهم مب مستأنسين لكن وربي الي ماعندهم حرقة قلبهم اكثر انا مجربة واعرف والله اعرف
اقسم بالله انه شي صعب وحتى في عدوي ما أتمناه
بس دايما احس ان في حياتنا نقص وكل ما اطلع معاه نشوف اليهال و نتكلم عنهم وكل ما يمر طفل صغير وكيوت نشوفه ونمدحه ماشاء الله احس مهما قلنا مابنهتم نحن نجذب على نفسنا لأن انا كل يوم أقول اهم شي عندي الريال يكون زين معاي بس في قرارة نفسي أحس أن هذا الشي ماراح يكفيني
وعن موضوع الانجاب ممكن تنجح معاه الانابيب لأن قريت عن ناس حالاتهم مستعصية ونجحت
والله يوفقه يارب ويرزقه البنت الي تداريه وتحافظ عليه وتجيب له احلى بيبي يفرح فيه
تكفون يا بنات عطوني رايكم اخوي في حيره
متابعة النقاش، صفحة 9