الوسواس ,,,,

السلام عليكم

صباح // مساء الخير جميعا اخباااركم حوائيات


انا بصراحه عندي موضوع طويل ياليت اللي تقدر تقراه كامل تساعدني يالغاليات


انا لي فتره طويله احس بوسواس ,,,, اول ما بدا معي عن يوم القيامه
اوقات احس من هول الموقف وهول البعث اعجز اصدق ,, انا ادري انه فيه حساب وفيه جنه وفيه نار عارفه هذا كله بس مدري كيف اوصلكم
اوقات اقول خلاص انا كافره وبدخل النار ولما افكر بالنار ابكي واتعب ,,,
فيه حاجه بداخلي مدري كيف اوصلها لكم ابي احد يساعدني مدري فيه احد نفس ولا لا
انا محافظه على صلواتي ولله الحمد ولا اسمع اغاني ولا حاجه ,, اوقات احس الشيطان يوسوس لي انه انا اسوي الشي هذا عادة مو عباده وتجيني افكار لها اول ومالها اخر ,,
والله اذا جلست لحالي وفكرت بالموت اخاااااف اموت من الخوف ,, ادري اني بموت بس اخاف منه مدري كيف ياخواتي ابين لكم ابي اطلع اللي بقلبي عجزت ,,

هذا كله بس بالبدايه اول ماحسيت اني اوسوس ,, الحين حالتي بزياااااااااده بدون مبالغه

الصلاه الى فتره قريبه كنت اصلي عادي مافيه اي وساوس ,,, لكن الحين !!!!
اشك بالركعات مدري باي ركعه ,, وقد قريت انه اذا شكيت بركعه اعتبر انها الاولى مثلا واجي بالركعه الثانيه واسجد للسهو قبل السلام ...
صرت اذا شكيت بركعه اصلح نفس ماقريت بالفتاوى لكن تواجهني حالتين ::
الاولى اذا سلمت احس صلاتي غلط وانه ربي مايقبل مني صلاه كذا فيها شك ,,
والثانيه اني اذا شكيت انا بالركعه الاولى او الثانيه , واعتبرت انها الاولى وقمت للثانيه صرت احس اني غلطت وانه صلاتي من الاساس صحيحه ومافيها شك ,, واكون زدت ركعه وبس ,, ونفس الشي احس ربي مايقبلها لاني زدت فيها ركعه ,,,
وفي الاغلب وفي كل الاحوال ارجع اعيد الصلاه ,,

يا اخواتي ساعدوني وش اسوي وربي تعبت ,,

الحين حتى في علاقاتي مع اللي حولي سيطر علي ,,

اوقات اقرر شي او اقول شي لاحد او اناقش بموضوع وبالذات مع زوجي واعطي رايي وخلاص كل شي تمام ,,, بعدها اجلس افكر عشرين الف فكره وانه يمكن تضايق مني ,, لو كان الكلام اللي قلته مافيه اي شي يزعل واكون متاكد لكن اجلس اوسوس واوقات اساله اذا ضايقته او لا ,,,,, ومع كل الناس مو شرط زوجي
حتى مع الناس ,, صرت افكر اذا قلت رايي يمكن يضايقهم واوقات اضغط على نفسي عشان احد وبرضوه اجلس اوسوس ماااااااااافيه راحه ,,

ابي ارتاح انا

مابي ادخل النار بسبب تفكيري اللي قلته ببداية الموضوع !!!!
انا مدري فيه وساوس بهالشي والا انا ...............

انا اخاف من الله بس فيه حاجه داخلي ماذيتني مو قادره احس بطعم عباده ولا لذة ولا شي
اخاف ان ربي غاضب علي ويعاقبني بهالوساوس

انا ماقدرت اتكلم مع احد وجه لوجه بخصوص هالموضوع لكن اناا اشوف نفسي كل ماله يزيييييد وابي حل ابي ارتاح واصلي وانا احس بطعم العباده
ابي اذا ربي بغلني رمضان ان شاءالله احس بطعم العباده صح ,, مو اذا جيت اقرا قران احس بوساوس واتعب منها

طلبتكم اللي عندها حل تساعدني وتريحني الله لا يذوقكم اللي اذوقه ياااااارب