تعبت من سالفة الزواج 💔

انا ماااني مع اللي يزوجون الصغيره قبل الكبيره خاصه اذا كان بينهم فرق بالعمر مثل ثلاث سنوات وفوق ..او انها بكر امها ..
عشان كذا حاسه فيك وبالمك الله يرزقك وتملكين ورمضان مااجاء ..
(انا زميلتي كانت تشكي انها تنخطب واختها الكبيره لا وكانت بالحييييييل تتضايق ولدرجه تبكي عندنا وتقول ماابي احسس اختى بشي )المعنى من الكلام يمكن حتى اختك متضايقه بس مااودها تضايقك بكلامها او تخاف تزعلين وكذا..
اعلمي اختك انك فرحانه له وان هذا نصيبك وراضيه فيه ..امزحي معها قولي ربي كاتب انك اول عروسه في البيت ..لاتزعلين علي رزقي بيجيني ..كذا بمزح قوليها ..
ترا والله زميلتي كانت احيانا متازمه نفسيا عشان اختها مع انه تقول والله باركتلي وفرحانه بس اخاف فيها كبت ويجيها شي ..
تكلمي لاختك بهالموضوع عشان ماتكون متحسسه وساكته ..
الله يرزقك بالزوج الصالح اللي يخاف الله فيك ..

أهلين اختي
وربي اني أتمنى الخير والسعادة لها وادري ان الشي هذا لا بيدي ولا بيدها ومستحيل أحسد اختي حبيبتي ،،،
لكن فية مواقف تجرحني وربي مو بيدي حاولت كذا مرة اخلي الوضع عادي لكن بعد كل مكالمة يطلبون اختي فيها اقعد أفكر ليش مايكون انا اللي انخطب ،،
بعدها اجلس استغفر خوفاً من الوقوع في الحسد ،،

نصيبك محفوظ عند ربي
الناس مامنهم الا الغثا حطي كلامهم تحت رجلك وواصلي دربك وثقي تمام الثقة ان ربي مخبي لك الافضل

ياعمري ما عليك حبيبتي خلي اختك تتزوج وانبسطي ونصيبك بيجيك في وقت مناسسب لك وما تصدقين من الفرحة كذا صار لقريبه لي صبرت بس اخذت واحد تحلف انه عوضها عن صبرها كله وطيب وكريم تبارك الله وربي قريباتها اللي كانو غمز ولمز عليها الحين بيموتون من القهر مو مصدقين انه كل هذا يصير لها بسم الله عليهم الله يحميهم ويخليهم لبعض والناس كذا استغفر الله ما عندهم الا تزوجت تطلقت يا شيخه الله يشغلهم في انفسهم يارب

اهم شيء استغفري كثير واقري سورة البقرة مرررره زينه وتريح قال رسول الله (صلى الله عليه وآله وسلم)(أقرأوا سورة البقرة ،فإن أخذها بركة،وتركها حسرة,ولاتستطيعها البطلة أي السحرة) والله يرزقك ياررب بالي يستاهلك ويسعدك

ماعليه ي قلبي ماتدرين شلي ربي كاتبه لك يمكن هاللي يتفيخرون مو مستانسين بحياتهم ماتدرين يجيك الي يسد فمهم كلهم وبعدين مومشكلة حرام تقطعون نصيب اختك ترا البنات في البيت مثل السلسله تتزوج 1ع طول خواتها وراها يمكن تكون فاتحة خير لكم ﻻتقطعون نصيبها ماتدرين يمكنك انتي بعدها ع طول بنت عمي كذا جاين يخطبوها وخذو اختها ماجا زواجها الا اختها مخطوبةة