اعتذر لي بعد ما اتهمني بتسميم امه
بنات امس قلت لكم عن حماي وانه تطاول علي وقال اني سممت امه .. قريت ردودكم امس وقلت بس يقوم زوجي الصباح باقوله زي مانصحتوني بس يوم قمت الفجر استخرت وقعدت افكر قلت خليني ااخر الموضوع شوي .. المهم ان امه طلعت من المستشفى وطلع سبب التسمم حبوب منتهية صلاحيتها، الي صار ان حماتي دقت علي اجي اتقهوا معهم بسلامة امهم ترددت بس بالنهاية قررت انزل واقول لخالتي وبناتها عن اخوهم واستبعد زوجي من السالفة ﻻن زوجي واخوه ثنينهم عصييين ومتهورين ومابي اسبب مشكلة كبيرة بين الاخوان خصوصا ان الام الحمدلله طلعت من الطبيب وتحسنت، تزلت عندهم وقلت لهم السالفة وانا اقول يابنات ماقدرت اتحمل عيوني صارت تبكي لحالها البنات زعلوا مرره وحتى ام زوجي قالت والله ماارضى عليه الا اذا رضيتي عليه.. الزبدة شوي ولا تسمع صوته عند الباب وقال بادخل عطوني جلال صلاة اتغطى فيه مع العلم وﻻ مره في حياتي جلست مع احد من حمويني او تكلمت معهم بس جا هو غصب وسلم قال انا جاي اعتذر لك يام فلان على الموضوع وكلام زي كيذا طبعا امه ماعطته وجه وقامت تهاوش قال اسمعوا وشغل مقطع بالجوال صوت الشغالة وهي تفتن علي النذله تقوله اصلا هي ماتغسل الصحون حقت مدام والاكل دايم وسخ وهي ماتحب وكلام طويل شي فهمته وشي ﻻ!!!! انا بغيت اموت وش هذا ليييييه تقول كيذا اصلا هي ماتدخل بيتي الا قليل وش دراها الكذابه المهم قال هو انا من زمان وهالشغالة تقولي كيذا وتتكلم عن ام فلان الين ما تعبت امي وصدقت انها هي الي سممتها لكني جاي اعتذر ومدري ايش وقال كلام اعتذار وانا ساكته وطلع ..... بالحقيقة انا مازلت منقهرة بس برضوا ودي اسكر على الموضوع خصوصا انه اعتذر