اعتذر لي بعد ما اتهمني بتسميم امه

بنات امس قلت لكم عن حماي وانه تطاول علي وقال اني سممت امه .. قريت ردودكم امس وقلت بس يقوم زوجي الصباح باقوله زي مانصحتوني بس يوم قمت الفجر استخرت وقعدت افكر قلت خليني ااخر الموضوع شوي .. المهم ان امه طلعت من المستشفى وطلع سبب التسمم حبوب منتهية صلاحيتها، الي صار ان حماتي دقت علي اجي اتقهوا معهم بسلامة امهم ترددت بس بالنهاية قررت انزل واقول لخالتي وبناتها عن اخوهم واستبعد زوجي من السالفة ﻻن زوجي واخوه ثنينهم عصييين ومتهورين ومابي اسبب مشكلة كبيرة بين الاخوان خصوصا ان الام الحمدلله طلعت من الطبيب وتحسنت، تزلت عندهم وقلت لهم السالفة وانا اقول يابنات ماقدرت اتحمل عيوني صارت تبكي لحالها البنات زعلوا مرره وحتى ام زوجي قالت والله ماارضى عليه الا اذا رضيتي عليه.. الزبدة شوي ولا تسمع صوته عند الباب وقال بادخل عطوني جلال صلاة اتغطى فيه مع العلم وﻻ مره في حياتي جلست مع احد من حمويني او تكلمت معهم بس جا هو غصب وسلم قال انا جاي اعتذر لك يام فلان على الموضوع وكلام زي كيذا طبعا امه ماعطته وجه وقامت تهاوش قال اسمعوا وشغل مقطع بالجوال صوت الشغالة وهي تفتن علي النذله تقوله اصلا هي ماتغسل الصحون حقت مدام والاكل دايم وسخ وهي ماتحب وكلام طويل شي فهمته وشي ﻻ!!!! انا بغيت اموت وش هذا ليييييه تقول كيذا اصلا هي ماتدخل بيتي الا قليل وش دراها الكذابه المهم قال هو انا من زمان وهالشغالة تقولي كيذا وتتكلم عن ام فلان الين ما تعبت امي وصدقت انها هي الي سممتها لكني جاي اعتذر ومدري ايش وقال كلام اعتذار وانا ساكته وطلع ..... بالحقيقة انا مازلت منقهرة بس برضوا ودي اسكر على الموضوع خصوصا انه اعتذر

45 تعليق 9,458 مشاهدة

شاركي في النقاش

سجلي الدخول لإضافة تعليق.

التعليقات

40
  1. @dyala_okly_dlaa

    الصراحه قليل ادب واكره هالعينات نفس الحاله قد مرت علي بس الي اقدر اقوله حسبي الله عليهم والله لا يسامحهم انا لو بدالك اعلم زوجي لانه هو الي ماراح يخلي حد له كلمه علي ولا احد يتجرا يفتح فمه مره ثانيه
  2. @mnayr999

    ربي ينصرك نصرا مؤزرا من عنده
    اذا تقدري تسامحي وتغفري فاجرك عظيم عند رب العباد والدنيا فانيه احتسبيه عمل صالح يوم تلاقين ربك
    والكاظمين الغيظ والعافين عن الناس ولاتنسي ان من عفا واصلح فاجره على الله والله كريم سيضاعف لك الحسنات اضعاف تفرحين بها عند لقائه
    لكن اذا انتي ماتستطيعين تسامحيه بلغي زوجك وكبري الموضوع
    واختاري اما تاخذي حقك بالدنيا او الاخره وانتي صاحبه القرار
  3. @groh_hoaaa

    ديالا وكلي دلع
    الصراحه قليل ادب واكره هالعينات نفس الحاله قد مرت علي بس الي اقدر اقوله حسبي الله عليهم والله لا يسامحهم انا لو بدالك اعلم زوجي لانه هو الي ماراح يخلي حد له كلمه علي ولا احد يتجرا يفتح فمه مره ثانيه
    اذا مثل ماتقولي زوجك عصبي انصحك تقولي له الموضوع من باب العلم بالشىء 
    حالياً الكل صار عارف واخاف يوصله الموضوع ويقلب عليك وفهميه انو انتهى الموضوع بس علشان لاصار شب يكون فاهم اللي صار 
  4. @asyr_shok_4

    حسبي الله عليها من شغالة
    دام اعتذر وامه طلعت اصيله وقلبها كبير وحافظة لج المعروف
    قفلي. على الموضوع على شان خاطر عمتج المسكينه
    ما راح تستفيدي شي من المشاكل لو صارت بين زوجج واخوه
    ولانك انسانه طيبة الله طلع الحق
  5. @bnoth_frashh

    الشغاله وقوفها عند حدها تلاقي بلاوووي مسويتهاا الله يأخذهاا بالحرمه الكبيرة ...


    وحمد لله بانت الحقايق

تابعي تجارب أخرى من هذا القسم.