مشكلتي مع بنتي

انصحك تنقليها من المدرسه بكبرها اختي كذا و بالثانوي الحين صح احنا عادي القصير و البنطلون بس هي عنيده و لسانها طويل تقلد صاحباتها 

والمدرسه الي هي فيها انقليها

هما جيلهم كذا الله يعين عليهم
والله العظيم انهم امس بالسوق بنات بزرات مفلتات ع الاخر
اقسم بالله شعورهم كلها طالعه ومسشور
وطرحه مافيه
وميك اب روج وبلاشر وضحك وصوت عالي
واخر شيء امر من جنبهم يغنون اقسم بالله بغيت اصفقهم بس ربك ستر
واعمارهم والله العظيم ما تتعدى17

بالنسبة لمشكلتك
تعرفي على صديقاتها اذا صارت تكلم قولي لها ابغى اكلم فلانة واسحبي التلفون من يدها واساليها اخبارها واخبار امها وكذا من باب انه تعرفي هي مع مين تمشي
واللبس خليها تلبس بنطلون مع بلايز واسعه هذا جيلهم واللي امس احكيكم عنهم في السوق ولله لابسين هذا البنطلون اللي يمسك ع الجسم كانهم وربي مفسخات وعبيهم مفتوحة فانتي اشتري لها بلايز طويلة وتراها منتشرة في الاسواق

بالنسبة للطلعات معاهم خليها تروح بس انتي وصليها واعرفي بيت صديقتها فين واختها خليها تكون معاها اي وحده من اخواتها وحددي لها وقت
واذا قالت انك تفشليني او شيء كذا حاولي تردي عليها رد يحسسها بالذنب قولي انا الحين عندك بس اذا مت وماعرفتي تعملي شيء ذاك الوقت بتتفشلي صدق من غير شر عليك طبعا هذا اسلوب خالتي مع بنتها والله صارت بس تقولها كذا تروح تضمها وتبكي ورجعت متعلقة فيها بشكل مو طبيعي

نصيحة مني خلي علاقتك مع كل بناتك زمالة انزلي لسنهم تعلمي كيف جيلهم وحياتهم سوي كذا حفلات مفاجات اشياء فلة والله راح ينبسطوا فيك كثير واذا ملوا روحي معاهم مول حتى ملاهي اركبي معاهم ترى مو عيب والمتل يقول اذا كبر ولدك خاوه
أنتي جربي هذي الطريقة الله حتدعيلي

الله يوفقك ويعينك على التربية

شكل بنتك بسرعه تتأثر والحل هو الصحبه الصالحة شوفيلك مدرسة طالباتها ملتحقات بحلقات التحفيظ ودخلي بنتك معهم وحطيلها هدف وبتمشي عليه مثلا احفظي بالحلقه 3 اجزاء وبسويلك كذا وخليها تروح معهم رحلات للملاهي وكذا بنتك اجتماعية وسريعة التأثر الله يحفظها وبنات المسلمين

شوفي يا اختي وين ابوها او ولي امرهاليه ماله دور ولاكلمه 
لاتسمحي لها تطول لسانها عليك نهائيا هذا من العقوق 
بالنسبه للبس لاتسمحين لها بالعاري نهائيا ووريها الحكم الشرعي وحديث الرسول نساء كاسيات عاريات 
ممكن تتوصلين معها لحل وسط لبس عالموضه وساتر في نفس الوقت واذا قارنت نفسها ببنات عمها وخالها قولي شوفي خواتك مايلبسون الا ساتر 
بالنسبه لصديقاتها مانصحك تخلينها تروح لحالها ليه لانها توها صغيره وتجهل الكثير من الامور ويسهل استدراجها حتى لو صديقتها تعرفينها وتعرفين امها تضمنين اخو او ابو الصديقه مايتحرش فيها
تسمعون كل يوم خبر الهيئه تقبض على فتاه وشاب في خلوه او فتاه تتعرض للابتزاز وشهو منه من اهمال الاهل وثقتهم في اطفال قصر اذا بتزور صديقاتها روحي انت معها ماعليك منها وحاولي تتقربين منها وتطلعين معها تتمشين ويصير لكم اهتمامات مشتركه  
وخلي خواتها يساعدونك اذا قالت شي قولي هاذا نظام وماراح اغيره ترى انت امها وانت المفروض تسيطرين على الوضع مع دور ولي امرها وادعي لها دائما بالصلاح والهدايه