ابي اعرف ايش اللي يغير الرجال اذا

الحمد لله من قبل ومن بعد وربي يوفقك ويخليلك احبابك

طبيعي ياقلبي
انا ابوي ماتزوج ع امي
بس زمان كان عصبي ومنره حريص بالفلوس وكنا نفسهس الشي يصير معك
لكن بعد 10 سنين لما صرت بالثنوي ابوي تغير
لانه الفرق كان واضح
زمان كان ابوي حالتهديدات صعبه ومنشاكل مع العيله
بس الفترة الي بعدها ولما بدت تنحل مشاكله تحسنت حالته معنا والحمدالله
اعذريني بس يمكن ابوك بسبب حياته مع امك ماكانت مستقره وكل انسان يدور ع الاستقرار
ولما هي جت تغيرت حياته
صح بحس بغبنه بس بفرح لابوي
لاني افكر اشلون كان يحس وشلون تغير
تقبلي مروري

الرجال يكبر ويضعف ويصير حنون ويتعلق في عيالة
غير مرة لما يكون شباب
خصوصا رجال اول اللي من جيل ابوك يكونون شديدين اول حياتهم ثم يتغيرووون مررررررررة مع الكبر في السن
خلاص يختي انتو خذتو نصيبكم من الدنيا وتزوجتو لاتطالعين اخوانك على حياتهم الله يهنيهم ويهنيكم في ابوك
الزمن يتغير والتربية تتغير واللي قبل عشرين سنة مايصلح الحين

مساء الخير خواتي..
هذه اول مشاركة و رد لي..وان شاء الله اكون بينكم اخت خفيفة ظل و استفيد منكن و ربي يقدرني افيد...
اختي صاحبة الموضوع...حابه ابدي رأيي من واقع تجربتي و واقع تجارب غيري..
..
الرجال لما يكون في بداية تأسيس حياته الاسرية يكون باله مشغول وفي تفكير مستمر..كيف يأمن هالحياة ويبني مستقبل اسرته...
في البداية تلاقينه يضغط على نفسه ويحرم نفسه ويكون حريص مع زوجته و اولاده...عشان يرتاحون في الاخير..
ويكون عنده هدف يحققه ويسعى لانجازه ولو يقصر على نفسه و اسرته في البداية...
و دور شريكة حياته هني انها تتحمل معاه و تشاركه في تحقيق هالهدف وتسعى لراحته وتسانده و تشد من همته...ولو حست انه اولاده حاسين بتقصيره...لازم تكون فطينة في تعاملها و تفهمهم انها فترة و بيرتاحون بعدها وكل هاللي يسويه عشانهم وعشان تأمين مستقبلهم
ابوج الله يحفظه..كنتوا تشوفونه يبيع ويشتري في البيوت والعقارات ولكن كان في بداياته ويمكن الربح اللي يحصله بسيط يحفظ شي منه ويضم جزء منه لراس المال وهكذا
فكان همه انه يوصل لمرحلة يكون فيها مرتاح ماديا وانه يقدر يبدا يصرف ويعوضكم فيها بدون ما يأثر على الوضع المادي...

وكان خوفه عليكم يخليه انه يمنعكم تطلعون وقت القايله وهذا هو الصح كلنا اهالينا كانوا يمنعونا نطلع هالوقت...
وكنا صغار وما نفهم ونتضايق بس عقب الوالدة ربي يحفظها دورها كأم و زوجة شرحت لنا ليش ابوي الله يرحمه كان يمنعنا نطلع هالاوقات وعرفنا الحكمة في الموضوع ونسمع كلامه وكان هالشي يعود علينا بالمنفعه ويزيد حب ابوي لامي ولنا ويروح يكافئنا بشي نحبه..
الوالدة عندج ربي يحفظها كانت يمكن ما تعرف تتصرف وشخصيتها بسيطة وكان عدم احتواءها لكم في هالاوضاع ويشوفكم رغم تحذيراته كنتوا تطلعون وتعاندون والوالده ما تمسككم وهالشي يحز بخاطر الرجال والاب ويزيد صرامة..
لو كانت الوالده بعدها صابره واحتوته واحتوتكم لين حقق اهدافه كنتوا بتلقونه معاكم بنفس الطريقه اللي هو حاليا فيه مع زوجته وعياله حاليا..
لكن ما ألوم الوالدة لانه معظم حريم زمان بحكم البيئة والتربية كانن لو يشوفن شي من الزوج ضايقهن كانن يسكتن وما يشاورن حد كبير او يسالن ذوات الخبرة كيف ممكن يحلن هالموضوع مع الزوج...وتسكت على حالها وتحس نفسها عاجزة تفهم الزوج وتتكوم على نفسها لين يوصلون لمرحلة الطلاق..
عزيزتي لا تتضايقين من الوالد وخواتج وزوجته..امج ما كانت مقصرة في البيت وتربيتكم لكنها عجزت تفهم الوالد
و زوجته الثانية عرفت تفهمه وتفهم تفكيره و وضعه و عاشت على ما هو يخطط...واكيد هو في بداية زواجهم و لما عياله صغار كان حريص بنفس الطريقه ولما كبروا ونفس الوقت اموره المادية مستقرة تطمن انه الحين يقدر يرتاح و يصرف وما يقصر عليكم وهو مرتاح...ولو طلبتوا منه حتى انتوا ما راح يقصر بشي لو بتلاحظين

لا تتضايقين من ابوج وحاولي تقعدين معاه وتفتحين له قلبج باللي فيه بطريقة فيها محبة..وصدقيني بيكون رده لج نفس كلامي...

ربي يسعدكم و يخليكم على قلب واحد انتوا وخواتكم من الابو ويبعد عنكم الضغينة والزعل

اسفه طولت في ردي...حبيت انه توصل الفكرة بتفصيل واضح..

سبحان الله المراه عندم تصبر علا ضلم زوجها الله ينصرها ولو بعد حين خالتي ضلمها زوجها ضلم عضيم وكان بخيل مع ان عنده خير وتزوج وسكن العروس في الدور الارضي وخالتي في الدور الي فوق وهجر خالتي وكان يطلع بين فتره وفتره يلعنها ويضرب عياله واتهمها في شرفها ان اولاده العشره مو منه تخيلوا وتمادا الا ان طلقها وطردها من البيت ولم يمضي الا سنه واصيب بسرطان في البطن ومات وقاموا اولاده ورجعوا امهم البيت واصبحوا يعطوها راتب ابوهم وقاموا بترميم البيت وتاثيثه سبحان الله اخذ حقه منها وكانت تدعي عليه واهي تبكي لانه لم يرحم كبرها وصبرها عليه