مشكلتي مع زميلاتي الموظفات<<< مُعدل

اسالي زميلاتك المقربات اذأفي احد مطلع عنك كلام 
حتى العاملين والفراشين اساليهم 
وانتي حاولي تتقربين من زملائك الثانيين خليهم بصفك 
كذأ مابتعرفين تشتغلين بهذه النفسية جو العمل مايشجع

الله يفرج همك ويسهل امرك

تشلين هم فديتج
امشي ياحررره و عليج مضررره

دام واثقه من نفسج طنشيهم
ادي الواجب اللي عليج ف العمل واستلمي راتبج اخر الشهر وهم حريقه تحرقهم

وحده بدالها الف
اهم شي عيالج وزوجج واهلج بخير الباقين يسطفلون

انا نفسج مع سلفتي نفس الوضع تخيلي نفس البيت
وكنت اكل نفسي اكل من التفكير
عقب سويت طااااف السم عليكم اكثر من كلمة السم عليكم مااقول
السم لله
وبس

من راح من كيفه
كيفه يوديه

خليه بكيفه
وكيفه يجيبه

واوقات الفراع دشي نت او استغفري واقري قران صلي الضحى

موفقه عيوني

استغفري كثير
واعملي بالاسباب
فلا تتركي احد الا واساليه عن اي شي وصلك عني
وصليها حتى المدير
اساليه بنفسك
وسوفي حادثة الافك
كيف تصرف الرسول سال الجميع عن عائشة
وبعدين سلامك على الثنتين
هذولى اعدائك احذريهم
خليهم بين عيونكً
وعامليهم بخشونه اكثر

حبيبتي لا تعطين اي شخص بالعالم اكثر من حجمه انتي بوظيفه وعمل ورايحه تترزقين الله يعني طز بالكل رايحه تسعين لرزقك مو عشان تتعرفين وتكونين علاقات وطلعات وتمشيات صحيح حلو الوحده يكون عندها علاقات ووناسه لكن اذا الي معاك مايستاهلون طنشيهم وخليك فقط بشغلك وابدعي فيه واقهري الكل وخلااااص ليه توجعين قلبك وتتعبين نفسك بقلعتهم بالناقص منهم مو ملائكه ولا ناس تحزنين عليهم وبكره بيعرفون قيمتك

طنشي هالاشكال
لايكونون اكبر همك
دامك واثقه من نفسك ومااخطيتي ع احد خلي علاقتك عمل في عمل واللي يسلم عليك ردي عليه بذوق
واللي يسالك عن شغله جاوبيه باختصار
ومصير الايام تكشف المستور ويبين كل شي للزميله الجديدة والموظفين
لابد وتلقى جزاها كانها كاذبه عليك ولابد يكون لهم موقف معها ويجيونك يستسمحون منك ويتحلوون