والحل مع شغالتي والغنج ؟!

لاتخلين اتابع مسلسلات وافلام مدام انها متغيره متاثره بمتابعة المسلسلات والخلاعه

الله يعينج

السلام عليكم

يا بنتي الله يهديك لا تفتحين على نفسك بوابة جهنم ثم ما تقدرين تقفلينها
شغالتك كويسه وزوجك ولد حلال لكن انتي تدورين للشر لنفسك

والله وبالله اذا راحت شغالتك ما احد بينفعك لو حتى امك ولا اختك

شغالاتي يقعدون عندي ب7 وال10 سنوات
وعرفت كيف اتعامل معهم عشان اريح راسي

صدقيني باننا حياتنا كرف في كرف وشقاء في شقاء وتروحين تدورين للتعب بنفسك

تعاملي مع شغالتك بانها صديقتك واختك لانها فعلا هي اللي بتنفعك وقت الضيقه

انا باقول لك كلمه وجربيها وتعالي ردي هنا
امك
اختك
ام زوجك
اخت زوجك
اعز صاحباتك

بس اعطيها عيالك كل يوم ولا الغسيل والكوي كل يوم وادفعي لها 3000 ريال شهريا

والله ما قبلت
لا تقولين ما تعرفين للشغالات ولا مشاكلهم
من عمري وانا عندي اقل شي شغالتين

انا ساكنه لوحدي ,,,كنت مطلقه والان متزوجه لي 3 سنوات
وشغالتي اللي عاشت معاي 13 سنه سافرت لانه عيال الحرام خربوها الله يخرب عيشتهم
وال2 الباقيات وحده كينيه سفرتها قبل كم شهر وحلفت ما ادخل افريقيه بعد اليوم
ووحده فلبينيه راحت بعد 4 سنوات وصارت صعوبه في استقدام الشغالات

ولا عندي ذيك المسؤليات يعني عيالي كبار وفي الخارج يدرسون
واذا عندي عزومه خواتي ما يقصرون يفزعون بكل شي
وزوجي يسوي كل شي

وصدقيني ابغى شغاله باي طريقه

فما بالك انتي موظفه وام لاطفال صغار وزوجه,,,يعني هالزوج ما يبي مقابل ورعايه
المراه اذا في الليل زوجها يبي حقه كزوج.. تصحى الصباح تعبانه

والدوام يبي حقه
الحكومه تعطيك راتب مقابل انك تسوين شغلك على اتم وجه وبنفس راضيه

وانتي لك حق على نفسك

شوفي بس يوم تخرجين من البيت وهو مكركب وترجعين تلاقينها رتبت كل شي في مكانه

تعوذي بالله من الشيطان الرجيم واتقي الله في نفسك قبل الاخرين
ارحمي نفسك وتمتعي بنعم الله واشكريه لان الشغاله رفاهيه ونعمه انعم الله بها علينا

وترى السيلانيات عاطفيات ورحومات جدا وكلمه توديهم وكلمه تجيبهم
هي حتى لو تطالع زوجك باعجاب فلانها تشوف فيه رجل محترم ويعامل زوجته بما يرضي الله
حسسيه بان هذا ابوها واخوها وبانكم تعتبرونها مثل بنتكم
حتى لو فرق العمر بينكم قليل

خليها تكلم زوجها وبنتها كثير عشان تفكر فيهم وتبتعد عن التفكير في زوجك
اذا هي مسلمه او حتى مسيحيه فاثيري فيها نقطة الدين والخوف من الله

والله بانه وحده زميله الله يجزاها الخير كان عندهم شغاله سيلانيه صغيره في السن
وكانت غير متزوجه ومسيحيه
المهم بيوم اكتشفوا بانها تكلم العمال اللي يشتغلون في البيت اللي جنبهم
والاردى شافوها ترمي الكلوت حقها لهم كاشاره للتفاهم

تصوري

مسكوها وسالته ليش كذاا؟؟
ترى هذا عيب وانتي بنت حلوه وصغيره وهاذولا بس بيلعبون عليك
اخبرتها بانها يتيمه وتربت عند مرة ابوها اللي كانت تشغلها في الدعاره وما تعرف غير هالشغله ولما جات لها فرصه تجي السعوديه تشتغل لانه الفلوس اكثر
هذا قبل 20 سنه يوم السيلانيه نجيبها ب2800 ريال ونعطيها راتب 400 ريال
المهم صاحبتي وتقول رحمت ضعفها وونصحتها وصارت تحن عليها وتكلمها باثارة احساس الكرامه عندها وبانه المره اللي ما تحترم نفسها ما احد بيحترمها
وبان مثل هؤلاء الرجالبينقولن لها امراض ومصايب

والله تحلف صاحبتي بانها اصبحت افضل شغاله مرت عليها
واشتغلت عندهم 7 سنوات
واسلمت عندهم وحسن اسلامها
ويوم غادرتهم راحت وهي وهم يبكون على فراقها

اقراي كيف دخل الاسلام الى سيرلانكا وكانت تسمى سندريب
وبتعرفين بانه بامكانك تكسبين هالادميه وتكون عون لك او تحولينها الى عدوه تتربص بك وتقرف حياتك

ترى اني اقول لك سفريها وما وراهم الا المصايب جدا سهله
لكن دائما اقول لبناتي باننا للاسف تربيتنا وتعليمنا ما علمونا كيف نتعلم ناخذ حقنا
وكيف نناقش ونقبل بنصف الكعكه احسن من نخسر كل شي

ترى القوه والمواجهه ويا انا يا هم بتكونين انتي اول وحده تخسر


وكلمه اخيره :
لو فعلا ما تبغينها وقررتي تسفرينها كلميني وانا اخذها منك واوفر عليك قيمة التذكره
وخليها تتغنج وتتدلع عند زوجي الى ان يقول امين
اذا هو كل ما وحده اشرت له ولا تغنجت تفككت صواميله,,فالله لا يرده ولا يردها

وبخصوص احلامك اللي حلمتيها
فاولا الحلم الاول زوجك منكشفه عورته,,الله يستر عليه ولا يدخل في ضيف لان كشف العوره معناه وفاة قريب او مشكله تسبب له الهم والضيق والحزن

وانها نايمه في فراشك فهي تحاول تتقرب منك وواضح بانها لا تحمل لك اي عداوه,,,لانه اللي ينام في فراشك او يختبي في حضنك هو انسان يلجا لك ويطلب حمايتك
واما بانها تمشي وساقها مكشوفه فاذا كانت مسلمه فانها في ضائقه او هم وغم
وان كانت مسيحيه فهي فقط تحاول تظهر حسن نواياها
والله اعلم


وتعوذي من الشيطان لانه الشيطان وسوس لابونا ادم واخرجه من الجنه
الجنه بكبرها اخرجه منها بحجة الخلود
ونحن نتركه يوسوس لنا وينغص حياتنا

جربي كل اللي قلته لك لمدة 3 اشهر واذابقيتي متضايقه منها وتحسين بانك لا تطمنين لها فالافضل بانك تجيبين غيرها
لانه صعب الانسان يقبل في بيته شخص يسبب له الضيق والحزن والتوجس

لكن الاول غيري طريقتك واسلوب تعاملك معها ومع نفسك
تعاملي بثقه مطلقه مع ربك ثم مع نفسك وبعدها مع زوجك وشغالتك وكل من حولك

افضل حل تجيبين غيرها .. ترا اللي تسويه حرام .. وانتي احس تشوفين الغلط وتسكتين مايصير

لاتنتظرين تسوي شيء اكبر .. قدمي غيرها او سوي عنها تنازل وخذي الفلوس وقدمي غيرها .. والله بييصبرك اللحين اجازه على ماتجيك الا باديه المدرسه .. واذا ماجت خلي اطفالك عند امك .. اذا عندها خدامه او تقدر تقوم فيهم ..

الله يعينك ويسر امرك