حبيبتي انصحك بالنصفي بدون تفكير
انا بكريه وخيروني بين النصفي والكامل ونصحتني دكتورة التخدير بالنصفي تقول لو كان الكامل افضل كان انا يادكتورة التخدير اخترته لنفسي انا سويت قيصريتين وكلهن نصفي
وتوكلت على الله وبعد الاستخاره اخترت نصفي ومن بكره سووا لي العمليه وكانت دكتورة التخدير فوق راسي طول وقت العمليه وكنت متوترة وخايفه قبل لايدخلوني غرفة العمليات لما شافتني الدكتورة ارتعد من الخوف قالت تبغيني اعطيكي مهدئ او اشغل لك قرآن وقت العمليه قلت سويهن كلهن ودخلوني غرفة العمليات وقالت لي بالبدايه راح نطقك ابره خفيفه علشان تخدر المنطقه علشان لما نطقك ابرة التخدير ماتحسي بدخولها وفعلا طقتني الابره وبعدين دخلت ابرة التخدير وماحسيت فيهم وبعدها حطوا الستارة بيني وبينهم وثبتوا ايديني بالسرير وبدأوا العمليه
بس نصيحتي لك امشي حاولي تضغطين على نفسك قد ماتقدرين
لاتستسلمين وتقولين انا تعبانه بعدين امشي
امشي وانتي شاده ظهرك علشان يلتأم الجرح على هالوضعيه
لان لو مشيتي وانتي منحنيه بيلتأم جرحك على هالوضع وبعدين لما تحاولين تمشين طبيعي بينشد وبيتعبك
هالنصيحه اخذتها من هنا وفعلا الله يجزاهن خير
اول يوم مامشيت ابدا وثاني يوم جابوا لي المشايه وحاولت امشي بس تعبت مشيت شوي وجلست بعدها بكم ساعه اخذت المشايه وحاولت امشي زياده ورابع يوم استغنيت عن المشايه ومشيت لوحدي بدونها والحمدلله بعدها بديت ازيد مدة المشي بالتدريج
لكل من ولدت قيصري تحكيلي تجربتها وربي يجزاها الجنة
متابعة النقاش، صفحة 10