كسرت جرس الباب

لا تجاملين احد على حساب راحتك وراحة زوجك بكرة اذا تزوج عليك محد بنافعك والواحد يالله يتحمل عياله مو عيال غيره وصدقيني ماراح يبين بعين سلفتك وزوجوها أبد وشوفي هذا انتي تقولين أمهم زعول اجل ليش تحملين الإزعاج وأمهم تزعل بعد هذا بدل ماتقدرك الحل ارسلي عيالك لها في نفس الوقت الي ترسل عيالها وشوفي كيف انها ماتحملهم وبتطردهم وقولي زوجي تعبان مايقدر ينام دوامه من ست الصبح والبارح ماقدر ينام داوم وراسه مصدع خلي العيال يلعبون عندك وكل يوم على هالموال وشوفي ايش راح تسوي سلفتك اذا ماطردتهم بعدين تزعل ما تزعل بكيفها لاتصيري سلبية هي تجلس وتتقهوى مع زوجها وامروقة وانتي حضانة انا كانت وحده من خوات زوجي ترسل لي عيالها يلعبون مع ولدي وكان مدلعين اذا جيت انا وزوجي من الدوام الاقيهم يجون عند الباب وندخلهم والله ما اقدر أنام من الإزعاج والبيت شقة بالأخير صرت اذا تغديت ما أنام اجلس ساعة أخليه يلعبون ثم أطلعهم اقول بنام غير المغرب ترسلهم أمه في الاخير ولدي دق بابهم وطردوه ولما دخلته لقيت خوات زوجي شايشين علي انتي تطردين عيالناامسكي ولدك عندك بعدين رديت قلت فوق اني مداومة وتعبانه أتحمل إزعاج عيالكم مو مقدرين اجل انا ماني فاتحة حضانه وأمهم مشيشي الزبدة محد بنافعك ولا شايف لك معروف

اقصد خوات زوجي شيشيوا أمهم جدة ولا احد ثمر بعينه يعني مداومه اكيد بكون مصدعة وأبي أنام ولا يراعوني انا وزوجي وفوق هذا يزعلون اجل ليش اراعيهم

ابد لاتستحين انا لو بس اشوف العيال تجمعوا عندي بالبيت على طول اجي واقولهم يالله حبايبي الحوش البيت نظيف واطلعهم هم وعيالي وعادي محد يزعل كل شي عالتعويد اذا سكت بيصير بيتي سبيل للرايح والجاي

من كان يؤمن بالله واليوم الآخر فلا يؤذي جاره

من تريد راحتها على حساب الآخرين و تترك عيالها يسرحون ويمرحون في شقق الجيران حتى لو كانوا أهل شخصية أنانية وحسابها عند ربها

للأسف في زمننا الطيبة الزايدة والمثالية متعبة وللصبر حدود لأني مريت بمعاناتك واللي ما يستحي منك لا تستحي منه


أستغفر الله ربي وأتوب إليه
اللهم صلِ على محمد وآل محمد

عادى ياقلبي وش ذى النوعيه من الناس ماتحس اساسا كل بيت له خصوصيه لا تفتحى الباب واذا فتحتى قولى لهم عيالى نايمين وصرفيهم خلهم يروحو عند امهم انقهرت منك يختى انتى كفايه عيالك وش لك بعيال الناس وقفيهن عند حدهم الظاهر ع نياتك ياقلبي وماصدقو هم