سفـــرتي الورديه لبنات خالتي واختي العزوبيات

السلام عليكم ..

كيفكم يالغالين ..

امس كان عندي فطور لااختي وبنات خالتي

وكانت سفرتي عباره عن

شوربة فطر

مكرونة ايطاليا

مقلقل لحم

صينية توست بالدجاج

سمبوسه

اصابع رقاق بالجبنه

بوب كورن

وكاسات حلى

سينابون مع صوص التوفي والنستله

وكريمه كراميل

واكيد عصير فيمتو:smheart:

والحين حابه اوريكم سفرتي :rotaeye:







46 تعليق 21,681 مشاهدة

شاركي في النقاش

سجلي الدخول لإضافة تعليق.

التعليقات

44
  1. @ghlahm_7

    صاحبة الموضوع
    راح اكتب لكم طرق الاصناف اللي عملتها

    شوربة فطر

    نقطع صدور الدجاجونحط في صينية شويه زيت ونقلب الدجاج شوي ونضيف المشروم
    واقلب شويه الين تتبخر المويه

    واضيف البهارات والملح

    وترك الدجاج الين يستوي
    على جنب احط ملعقتين دقيق وملعقتين حليب بودر وملعقتين جبنه سائله
    مع قشطه و 3 كاسات مويه

    احركهم الين يمتزج الخيط واضيفهم على الدجاج والمشروم واحركها الين تتكثف


    ...

    ..

    .

    مكرونة ايطاليا

    نسلق مكرونه في مويه وزيت وملح
    نجهز الصوص
    بصل وثوم نحركهم الين يتغير لونهم ونضيف صدور الدجاج المقطعه بحجم صغير
    ونضيف البهارات والماجي ونترك الدجاج الين يستوي
    وبعدين نضيف علبه قشطه وملعقتين جبنه سائله وشوية كركم وشويه شطه كرستال او رنا وعشان وشطة سومطره وتقدري تستغني عنها

    حطها على المكرونه

    واستمعي بالطعم..

    ...

    ..

    .



    مقلقل لحم

    نقطع الحم قطع صغار ونقط الثوم والفلفل الرومي والطماطم كلها صغار

    نحط شوي زيت ونضيف اللحم ونحركه ونضيف الثوم ونحركه شوي ونضيف الفلفل الرومي والطماطم مع البهارات المشكله والملح

    ونضيف شوي موه ونحرك بين فتره وفتره الين يستوي للحم

    ونضيف المشروم ونص ليمونه وشوي بقدونس

    ونتركهم 10 دقايق

    ونقدمها

    ...

    ..

    .


    صينية توست بالدجاج

    نحط في صينية طبقة توست مدهونه بشوي مايونيز

    والطبقه الثانيه دجاج مستوي .. يعني احط الدجاج واحركه شوي واضيف ماجي وبهارات واحرك الدجاج الين يستوي

    الطبقه الثالثه توست

    الطبقه الرابعه

    قشطه ملعقتين جبنه سائله بيضه وملعقتين طحينه وندخلها الفرن

    ...

    ..

    .



    سمبوسه

    امي الله يسعدها سوتها



    اصابع رقاق بالجبنه

    ناخذ الرقاق ونقسمه بالنص بالعرض ونحط شوي جبنه سائله ونلفها ونغمسها في بيض وبقسماط ونقليها

    كثير كثير طعمه وبسيطه

    ...

    ..

    .



    بوب كورن

    دجاج مستوي .. بنفس الطريقه اللي ذكرتها ..

    نخلط ربع جبنة شيدر مبشور وتقريبا ملعقتين قشطه .. نكورها واذا ماتماسكت نضيف شوي بقسماط

    ونكورها ونغمسها في دقيق بيض بقسماط
    ونقليها

    ونقدمها مع كاتشب ومايونيز

تابعي تجارب أخرى من هذا القسم.