قصتي مع شخص احبه وتركني ,, بالله عليكن تدخلن محتاجه لكن وايد

لا تقهرين نفسك هذي خيرة انتي استخرتي وربي مااختارة لك وصدقيني راح تنسينه وبيجيك اللي احسن منه وينسيك اياة والشي الثاني ليش مررة انتي شايله هم نظرة الناس منتي اول ولا اخر وحدة وبعدين انتو اللي رفضتوة مو هو اللي رفضك ولا تهمك نظرة الناس ابدا خليها اخر شي تفكرين فيه دامك مافيك عيب ولا غلط وادعمي ثقتك بنفسك اصلا بما ان الانسان هذا زي ماقلتي منيز واختارك انتي معناته انو انتي مميزة باشياء مو في غيرك بس انتي ماتشوفينها وبعدين مو معناته اذا هي ابيض منك انو هي احلا منك او افضل لا تفكرين كذا ابدا ابدا وبالنسبه لقريبتك لو عاد نقلت لك خبر عنه قولي لها لاعاد تتكلمين معي بهالموضوع لانه ماعاد يهمني ابدا وهي اذا تتشمت فعلا فيك صدقيني الايام بتدور عليها بس انتي لاتتشمتين خليك احسن منها وصدقيني راح تنسينه مرررة هي مسالة وقت اهم شي ادعمي ثقتك بنفسك وبمميزاتك واشغلي نفسك عن التفكير فيه وفي نظرة الناس خليها اخر همك انتي ماسويتي فضيحه ولا مصيبه وسلامتك


استغفر الله الذي لااله الا هو الحي القيوم واتوب اليه

خلاص يا اختي اللقمة ما صارت لك لا تتحسرين ولا تتندمين ما تدرين الخيرة وين
ادعي له بالتوفيق واشطبيه من حياتك وتابعي دراستك بجدية وتراك صغيرة والحياة قدامك الي جاب لك هذا يرزقك بابرك منه ورددي اللهم أجرني في مصيبتي واخلف علي بخير
بس هو خلاص انتهى
والجامعة يتهيأ لك انها شامته انتم الي رديتوه مو هو واكيد يعرفون هالشيء والي تنقل لك الخبر تراها مقهورة من رفضكم له وتبي تنكد عليك فلا تخلينها تتكلم بالموضوع مرة ثانية وحاولي تتجنبينها وقوليها بصراحة
اهلي رفضوه وهو يبي يعرس الله يوفقه ولا عاد تجيبين سيرته قدامي لان الموضوع انتهى ولا عاد يهمني امره

والله ماله ذنب حبيبتي وﻻ قصده يفتح باب الشماتة واضح ان كان شاري وانتظر سنين وما بيده
طبيعي بيخطبوا له جميلة وصغيرة ونسب مادام رفض كم مرة
ربنا يهدي لكم ابوكم ماله حق ابدا
واللي يتشمتوا ما عليك قولي خطب والله ما كتب لنا نصيب الله يوفقه ويهنيه
الكلمة هذي لو قلتيها وانت مبتسمة او حتى عادية وعلى وجهك عﻻمات الرضا بالقدر
بتسدين حلوق الكل
واللي تتشمت ادعي عليها صدقيني والله بيجيها يوم
ومن عاب ابتلي
الله يرزقك باﻻفضل

الله يفرج همك 
نصيحه اختي والله ووالله انها بتحل لك كلللل شيء 
الان بمثل هذا الكلام اللي وااااضح انك قلتيه وكتبتيه بقلبك من كثر القهر اللي فيك( وخلي اللي تشمتت فيك والله ان يجيها يوم وبتتذكرين كلامي هذا)
توضي وافرشي سجادتك وفي سجود ابدي ادعي وقولي كلللللل كل كل اللي بقلبك وبنفس طريقتك هنا يعني لاتتكلفين((والله ان فيه ناس بس كانو يبكون يبكون بكاء مجرد ماسجدو لانهم ماقدروا من كثر الهم اللي في قلوبهم ويحلفون بالله ان ربي شال عنهم هم مجرد ماخلصوا صلاتهم)) وكرري في سجود ياجبار اجبرني 
وكمان يارحمن يارحيم
الله يعوضك ويسعدك في الدارين:)