بليزز ساعدوني حامل ومشتهيه سمك

احنا في قطر مثل الأخت والفجر
اغلب أكلنا بحري سمك

انتبهي انتبهي تاخذين مثلج أبعدي عنه بالمررررة ماله طعم كأنه بلاستيك
روحي سوق السمك او كارفور او اي سوبرماركت كبير يبيع سمك طازج

ممكن تاخذين الكنعد او الصافي وتقولين لهم ينظفونه لك
ممكن تاخذين سالمون او اي سمك فيليه تبهرينه بملح وفلفل اسود وزنجبيل وثوم بودرة وشوي شبنث طازج مع شوي كريمة خفق تسوينه بالمقلاة ما يأخذ منك خمس دقائق

ألذ شي الهامور تسوينه كبسه
تقولين لهم ينظفونه لك وتبهرينه بملح وفلفل اسود وبهارات مشكلة وليمون بعدين تقلينه وتشيلينه على جنب

في قدر تحطين زيت وبصل وثوم وزنجبيل مدقوقين وبهارات صحيحة وتخلينه لين يطلع ريحته بعدين حطي حبتين طماط مقطعين وصلصة وكزبرة وشوي شبنث مفرومين وفلفل بارد مقطع وقرن او اثنين فلفل حار وبهاراتك اللي تحبينها حطي كمون وكركم بعد ما يذبل الطماط كبي عليه المويا اذا غلى الماء حطي الرز المغسول وشوفي كمية الماء وضبطي الملح اذا بدا ينشف الماء حطي السمك فوق الرز وغطيه بقصدير لين يستوي وبالعافية

ترا سهل مرررة ما يأخذ نص ساعة بس شرحي طويل ومفصل
والله لو انك قريبة ما خليها بخاطرك والله يتمم لج حملج

جزاك الله خير

الف شكرا ياقلبي

مشكوووووووووووووره ربي يسعدگ يارب🌹