شاركي في النقاش

سجلي الدخول لإضافة تعليق.

التعليقات

98
  1. @anth_fy_aaalm_hoaaa

    طير النورس
    ألف الحمد لله على سلامتك يا معلمة أجيال عمرة مقبولة أن شاء الله
    ياااااااااااااااااااااااحبي لك يامعلمة الأجيال...
    عمره مقبوله حبيبتي....
    والله إنك رجه مثل أختي الناس تدعي وتعتمر وهي تصور...((الحمدلله والشكر))
    أهم شي دعيتي لنا ياعسل.....
  2. @maalm_agyal

    صاحبة الموضوع
    انثى في عالم حواء
    ياااااااااااااااااااااااحبي لك يامعلمة الأجيال... عمره مقبوله حبيبتي.... والله إنك رجه مثل أختي الناس تدعي وتعتمر وهي تصور...((الحمدلله والشكر)) أهم شي دعيتي لنا ياعسل.....
    ببسيه
    للمعلومية تراي من عشاق الببسي والحياة من غيره ما تسوى
    وأنا متعجبه مدري كيف الناس ذيك الأيام قدروا يقاطعونه
    وما تتخيلين كيف أرتاح نفسيا إذا شفت فيه علب بالثلاجه



    أغصان الشجر
    حياك الله وبنتظار عودتك


    عيــــون القلـــب
    الله يسلمك يالغلا بس ترى ما عندك سالفة ما رقيت الجبل ولا شي ولو برقاه يبيلي ونش يسحبني بس أنا سعيت فوق لكن التصوير كان من فوق الجسر

    حب زوجي
    الله يسلمك والله لا يحرمك من العمرة ومن رؤية الكعبة


    الدرة -المكنونة
    ياحبك للحجز ورى ما تشتغلين بالخطوط


    دوحــــــ قطرـــــاوية
    الله يسلمك ....والله يتقبل منا ومنك صالح الأعمال
    وترقبي بقية الصور


    فتوووووون
    صراحة حزنتيني عليك وحسستيني بتأنيب الضمير لكن الله يرجعك يالسلامة وتقر عينك بالرياض ومكه

    طير النورس
    الله يسلمك والله يتقبل منا ومنك


    انثى في عالم حواء
    هلا بالغالية وجزاك الله خير
    بس ترى اختك اللي زيي أنا ألأصل وهي التقليد وبعدين ترى أنا ماكنت أبي أصور بس عشانكم يعني ضحيت بأشياء كثير بس عشانكم<<<<<رقع يامرقع شي ترقع وشي ما ترقع
    وبالنسبة للدعاء لحد يسالني عشان تصير دعوه بظهر الغيب
  3. @maalm_agyal

    صاحبة الموضوع
    معلمة أجيال
    ببسيه للمعلومية تراي من عشاق الببسي والحياة من غيره ما تسوى وأنا متعجبه مدري كيف الناس ذيك الأيام قدروا يقاطعونه وما تتخيلين كيف أرتاح نفسيا إذا شفت فيه علب بالثلاجه أغصان الشجر حياك الله وبنتظار عودتك عيــــون القلـــب الله يسلمك يال…
    عدت إليكم والعود أحمد<<<<<منهو أحمد!!؟؟؟

    أقولكم وصرت كل يوم اتردد على الحرم وطبعا عارفين بيبان الحرم اللي فوقه مئذنتين واللي فوقه مئذنه وحده واللي ما فوقه ولا مئذنه<<<<<مدري ليش جبت طاري المآذن
    وطبعا حنا أقرب باب لنا باب الملك فهد الله يغفر له ويرحمه ويخلي لنا بابا عبدالله<<<<...............!!!!!!؟؟؟




    عاد معلمتكم تدور البراد يعني مافيه أمل تصلي بمكان غير توسعة فهد وبما إنها تحب البراد لازم ترقى فوق<<<<<<ليش؟؟
    لأن تحت زحمة وفوق أوسع صدر وانفه
    لكن المشكلة الدرج وش يرقيني إياه!!!؟؟
    وأنا اللي أطير لباب رقم((74)) <<<<وش معنى هالباب!!!
    ما يبي لها ذكاء الله يعافي التطور والتكنولوجيا صرنا نرقى فوق وحنا واقفين<<<<عجاااااااازه




    وطبعا أول ما ارقى انبطح((طبعا بعد تحية المسجد))<<<<ما تنلامين طاقة مشوار لفوق
    وأول ما نسدحت عجبني هالمنظر فحبيت تشاركوني بالهجمال



    التقطت لكم هذه الصورة وأنا مستلقيه في أطهر بقعة على وجه الأرض<<<<ما يحتاج واضح
    بس يوم شفت الصورة بعيدة وأنا اللي أروح وانبطح تحت اللمبه <<<زين ما طاحت عليك من جراء ابطاحك
    والقط لكم ذي



    فاصل ونواصل
  4. @maalm_agyal

    صاحبة الموضوع
    معلمة أجيال
    عدت إليكم والعود أحمد<<<<<منهو أحمد!!؟؟؟ أقولكم وصرت كل يوم اتردد على الحرم وطبعا عارفين بيبان الحرم اللي فوقه مئذنتين واللي فوقه مئذنه وحده واللي ما فوقه ولا مئذنه<<<<<مدري ليش جبت طاري المآذن وطبعا حنا أقرب باب لنا باب الملك فهد الله يغ…
    ها أنا عدت إليكم من جديد<<<<<الله ياجرنا عليك

    وطبعا عقب ما صلينا وخلصنا ذكرت إني عطشانه تخبرون الدرج متعب<<<إيه هين يالدبه
    وانا اللي أطير أدور لي زمزم <<<<< ابد ما قومك التصوير



    ووقفت حائرة من أي ترمس أروي عطشي!!!!؟؟؟<<<<واضح إنك عطشانه وماعندك نوايا ثانيه
    وقلبت ناظري بين الترامس وقلت ما بدهاش يابنت لازم قرعه <<<< قايلة لكم بزر وماصله بعد
    وجلس أقول حقره بقرة قلي عمي عدي العشرة ( 1-2-3-4-5-6-7-8-9-10)
    وأخيرا وقع الإختيار على ذا


    وطبعا أي احد يروح يشرب لازم يجيب لربعه معه وآخذ لي كاسين ورجع لمقري تحت اللميه وقدام المكيفات والمراوح<<<<< االبحث عن البراد شعاري

    وطبعا شربنا وكل وحدة تشرب مويه بالحرم لازم تجيها حاله لعب فجائيه وأنا متأكدة يابنات حوا كلكم لاعبين هاللعبه اتحدى وحدة تنكر

    المهم اقوم العب لعبة الكاس <<<<<الفن ذابحنا<<<<<قصدك الفارغ والبزاره
    المهم بعد ما لعبت وخلصت صورت <<<< الله العالم إنك مسويتها لزوم التصوير



    وهذه أخرى من قريب للي تحب تسوي عمل فني مثل عملي



    عقبها ناظرت الساعة وباقي وقت لين يذن العشاء وش نسوي قالت أختي روحي اشتريلنا شي<<<شكلك خدامه عندهم<<<<مادام فيها هوذله ما عندك مانع

    وأنا اللي أطق مشوار للشركة وروح(( لبن داوود)) وتقضى لنا قراقيش وشكلاطات وببسي
    وأنا بالطريق راجعة للحرم دخلت الكيس تحت العباة <<<< ليه!!!؟؟؟
    بلا فضايح كلكم عارفين ليه

    المهم أول ما قبلت على باب((74)) يعترظني رجال حزروا وش قال!!!!؟؟؟

    قبل أتكلم قال طلعي الأكل اللي تحت عباتك ممنوع<<<وش دراه إنه أكل

    ((بسم الله علي وش دراه هذا وأنا دبه)) بغيت اقول هذا ورم بس ما حبيت أكذب بالحرم

    وانطم واسكت ما قدر اقول شي اخاف يصادرونهن <<<<كلش ولا البلع

    وانا اللي أحتال الله لا يعاقبني واترك باب (47) وروح لباب ثاني اللي جنبه على طول
    ودخل بين الزحمة ومحد حولي
    لكن ..................!!!؟؟؟؟؟؟ <<<<وش جاك

    آه فيه مصيبه يوم جيت برقى حطيت رجلي كالعادة على أول درجه ووقفت انتظر أرقى لكن دون جدوى ما زلت في مكاني
    ونزل رجلي وعيد المحاوله وحطها بقوه<<<على بالك القوة بتفيد
    لكن للأسف كل المحاولات باءت بالفشل ما تحركت من مكاني
    وفتحت عيوني بقوه وتلص شوي بالدرج واثره درج عادي يا ويح قلبك يامعلمة بترقين فوق عن طريق تحريك القدمان وبذل الجهد يال الهول مستحيل


    قعدت محتارة بين البليعة اللي معي وبين الصعود إلى الأعلى مع بذل الجهد وانتصر البلع اخيرا
    وارقى درجه درجه وبعدها درجه وعقبها درجه ..............................................................................................................................................................................................................................................................................................................إلخ<<<<على عدد النقط عدد الدرج

    ((أعذروني ما قدرت أصور هالمقطع عارفين الظروف اللي مريت فيها كانت أكبر من إني اقف وألتقط لكم صورة))

    وبعد أن وصلت إلى آخر درجه لمحت النقاب قدام وجهي يروح ويجي مدري وش فيه!!!؟؟؟
    وأثر انفاسي كانت تداعبه<<<<<امحق مداعب
    وبدات أسير بخطى ثقيله وأنا أنظر إلى تلك اللمبه من بعيد واتمنى إن لي جنحان توصلني<<<<وش ذا الجنحان اللي تتشيلك أنت وبليعتك

    وبعد عدة دقائق من المشي وصلت اخيرا وأنا اللي اهزئهم وقلت لربعي لا تفكرون أجيب لكم شي دام ذاك الرجال مرتز تحت حسبي الله عليه استاثم بي

    ونفرش سجادتنا وانثر لهم البلع جعلهم للحوت اللي يبلعهم

    ونبدا بالأكل وكنت أشوفههم وهم ياكلون احس أنهم ياكلون جهدي وتعبي
    وبعد ما هدأت انفاسي ومليت كرشتي وروقت تذكرتكم<<<<لا تزعلون ((ظروفي يمه تواجهني عسيرة ...آمنت بالله وبقداره ترضيت))

    وأجي أطلع الجوال وحط حرتي بالتصوير





    <<<<<الله لا يلوم الرجال لو اكتشفك ما خليتي شي ما جبتيه
    الأعمى يشوفه بلعك أنتي وجهك



    رااااااااااااااااااااااااااااااااااااااااااااااااااااااجعة لكم <<<ياكثر قرقك خلصينا وين الحقاق
  5. @maroko_1

    رووووووووووووووووووووووووووعة اسلوووووووبج وموضوعج والصور الله يتقبل منج بعد كل هذا هههههههههه والله صور مكة تشرح القلب
    في انتظار التكملة يالغالية

تابعي تجارب أخرى من هذا القسم.