مين رجعت لحياتها الطبيعيه بعد زواج زوجها

الله يصبر قلبك والله ما الومك بس الاكيد انه راح يجي اليوم الي تتاقلمي فيه على وضعك الجديد واهتمي بنفسك واولادك والحمد لله عندك وظيفه بالعكس تشغل وقتك وتقابلي ناس يغيروا جوك

عادي حبيبتي
ياااكثرهم اللي مثلك
بس هذي اول كم شهر طبيعي ردة فعلك
خصوصاً اذا انتي ماقصرتي معاه
لكن بتتعودين وتطنشينه
خليها تخفف عنك مسؤلية
الرجال هم وغم الفكه منهم يوم او يومين عيد وراحه بال

انا قريبتي صار لها مثلك بالضبط وكانت صدمه لانها ماتوقعتها منه ابد
وانهارت ونحفت وصحتها تعبت
بعدين قالت عيالي ما ابغاهم يتدمرو بسبب نفسيتي وفعلا خلته صفر عالشمال لكن ماتنازلت عن حقوقها الماديه ولا ليلتها تقول هالليله عيالي من حقهم يكون ابوهم عندهم واشتغلت واستقلت عاطفيا عنه
هالحين مبسوطة وعايشه حياتها واحيان ماتصدقين ان ذالحرمه زوجها متزوج عليها وخاصه ان زوجها يحبها وزواجه من الثانيه ماغير في مشاعره شي الحمدلله

ليش تذبحين عمرك عليه هو رايح يتونس وانتي انهيار عصبي وحياتك انقلبت فوق تحت… راح تكبرين كم سنه بسبب الهموم واح تجيك امراض السكر اولها القهر يجيب السكر بعيد الشر عنك ..وهو ماحلم فيك يعني لوطحتي عن حيلك ماحلم بك حتي لو ماتزوج طبيعة الرجال كذا من تمرض المراه يبدا يملها لو اني منك اروح اعدل بنفسي واشري ملابس واشكل به ماوقفت الدنيا عليه… واحمدي ربك. انك موظفه مانتي بحاجته بعضهم يذل المره حتي بالمصروف… ارتاحي وتعوذي من ابليس ولايحس انك بتموتين عشانه وقولي يارب لاتعلقني به ..ترا الرجال مايرحمون ولارجع سوي نفسك مو مهتمه قولي مايعني لي شي دمعة وطاحت من عيني ولااثر في قولي اهم ماعلي عيالي… وهو عامليه عادي عشان ماتخسرينه للابد دام منه اطفال ووتزوج لاعاندتيه بيقول لها راتب وش ابي بغثاها تاخذ بزرانها وتروح لاهلها واناارتاح ودايم. الموظفه مايرحمونها… وانتي عندك اطفال صعب تفترقون عيني خير وهو يبي يقول انا مااخطيت وهذا شرع الله دام. ماسويت شي يغضب ربي وش مزعلك تبين اروح للحرام… .تري كثير تزوجو وطلقو الاولي موعشان طاير بالثانيه لا لا لان الاولي تبدا تعصب وتهاوش وماهي طايقته… .خليك حبوبه وجيبيه باسلوب يمكن يرجع لك ويمكن الثانيه لاقارن ماتجيك مثلك بس لو قارن وانتي بتعاملينه بقسوه بيهملك. وتاكلين نفسك…. ودايم اقول لخواتي اللي معهن اطفال لازعلن. من ازواجهن اللي تدخل معركه مع زوجها وعندها منه اطفال خسرانه… خسرانه لان مالهم الا ابوهم. ومحد بيتحملهم لو تزوجتي بينظلمون.... ناره ولاجنة هلي… الله يفرج همك ويرده لك احسن من اول

والله حنا يالحريم مساكين..يابنت الحلال فضل وحده عليك وخان العشره وراح تزوج عليك وانتي تقولين خايفه من نظرات الناس ومحطمه ومدمره ليش ياقلبي..عيشي حياتك .. انبسطي واضحكي واطلعي وتونسي وغيري في شكلك قبل الدوامات وفليييييها ولا عليك من احد .. منتي اول وحده ولا اخر وحده تزوج عليها زوجها..


الله ييسر امرك..