للحكيمات والمطلقات

والله نفس وضعي مع أمي وانها ضدي وتنصف اخواتي........
بس انا بلا عيال......
الأمهات مدري وش صار لهم مدرعمين من غير مايعرفو وش السالفه المهم يقفون مع من يميل لها قلبها حتي لو كانت غير باره بها الله المستعان........
الله يحنن قلوب اخواتنا وامهاتنا لنا ي رب العالمين......

اما بنسبه لمن تقدم لك انا من رأي ادرسي وضعه وبقوووه واسالي كثير عن وضعه في بيته ومع حرمته وكدا يعني كثري اسالتك عنه في ادق تفاصيل ولاااا تنجرفين لحياة تعيسه أعظم من الحياة للي أنتي عايشتها مع اهلك بلحظه غضب من اهلك.......

اصبرررري ووكلي امرك ل ارحم الارحمين واعطي اهلي العين الحاره عشان كل وحده تعرف تلزم حدودها معاك........
وتقربي منهم أكثر وجامليهم أكثر وبيني لهم قوتك لووو بس فكروو يضايقوك من تاني والله المخارجه مايبيلهم الا كدا

أنا أنصحك خلك قوية بهالموقف الي قلتيه كنتي تقدري تتجبني الكلام الي صدر من أختك خلي الأطفال مع بعضهم لو ضربوا بعض بنتك اذا ضربها الطفل أبعديها عندك أو أوعديها بتشتري لها ألعاب متى ما تحسنت ظروفك

أختي خلك ايجابية لا تصيري سلبية أقل شي تبكي وتتأثري وتدعي على أختك حرام ما يجوز لما نقلت لك الكلام الي قالوه عن طلاقك كان قلتي لها الله سبحانه يتكفل بأخذ حقي وحسبي الله ونعم الوكيل لا تزيدي عن هالكلام

الجلسة بالبيت وأنا أختك مش مفيدة لك صحيا ونفسيا اطلعي للدنيا أخرجي أنتي متزوجة أو مطلقة أو حتى بنت الجلسة بدون ما فيه شيء يشغل بالك يدخل الشيطان ويكبر عليك أمور صغيرة وتافهة ويتعبك فيها أدخلي تحفيظ كملي دراستك

الرجال الي خاطبك كبير مرة عليك تفكري حياة المتزوج سهلة دخلي موضوع مجروحة حبيبها ونحيفه بقوة ومتمرده وأم المصرقعين وباقي البنات كلهن متزوجين عليهن رجالهن

مجروحة حبيبها رجعت لزوجها بس بتموت غيرة
نحيفة تعبت من ضرتها وكيدها واتهاماتها لها
متمردة زوجها طلق الأجنبية بس زعلت وتعبت لما درت بزواجه
أم المصرقعين في حساسيات بينها وبين ضرتها تزورها ضرتها ترحب بضرتها ضرتها تعمل عزيمة ما ترحب بوجودها معاهم

شفتي هالنماذج من المنتدى اذا بغيتي حالك يصير نفسك نحيفة ومجروحة حبيبها الي حسيتها بتتقطع من الغيرة وافقي على متزوج والحياة مع معدد موت بطيئ وتجلسين طول عمرك ببيت أهلك أصرف لك من حياة القهر والمقارنات

دمعة رجا الاكلام موجه لك

كلامك مهو صحيح اذا عدل الرجل بين حاريمه والحرمه شالت ضرتها من راسها بترتاح ..وعموما الحياة ماتصفی لأحد .