عاد هذي اللي مستحيل نستغني عنه نبيع أمنا وبونا عشانه واول ما نخلص العمرة نمر على أقرب محل نشتريه ولا نطلع من مكة إلا وكل واحد شاري منه 5 أو 10 مرات لأنه تتعقد بسرعه ياذهن اللي مخترعة مخترع شي يتعقد بسرعة وحنا مالنا هم إلا نفك العقد اللي به ولا فكيناه جدعناه لأنه تصير معوقه ولا يردنا إلا أهلنا ننشب بحلوقهم لين نشتري ثانيه
والله إننا مخفه فيه أحد يلعب بالسبرنق!!!؟؟
مير دوكم الصورة وحنوا على أيام الهبالة


يا عمري يا حنا كانت أتفه الألعاب تسكتنا موب بزران الحين بلي ستيشن وفله وبيبي بورن وقيم بوي لا وليت هالألعاب ظفتهم عنا قبل بينا الله يصلحهم.
وعلى فكرة ترى هالحقاق خاص بس للي قد لعب به واللي ما قد لعبه له ذي:


يا شينه ذا التقليد صحيح إنه ملونه بالوان زاهيه بس ماش ماله طعم مثل ذيك أشوإننا لحقنا على ذيك ولا هكوا علينا بهالماصلة وصدق اللي قال قديمك نديمك<<<<والله مدري وش جاب ذالمثل<<<بس مشوا ضاقت على ذي يعني<<<ياكثر ما مشينا عليك بس الله يصبرنا
$$$$$$$$$$$$$$$$$$$$$$$$$$$$$$$$$$$
الحقاق السادس
عاد هالحقاق موب قديم مره وأنا عني ما كنت ممن يهون ممارسة هاللعبه<<<<اخس يالفصحى
يمكن بحياتي لعبت فيها 70 مرة بس<<<<أبد ما كنتي تحبينه
وانا جبته لكم لأن يمكن الكثير يحبه وبما إني أبغى حقاقي يكون مميز وتام جبته للي يحبونه عشان ماتقولون جابت بس اللي هي تحب
دوكم اياه:


على فكرة اللي ما تعرف له تجي أعلمه وشلون نسوي به تراي قبل كم يوم قاعدتن ألعب عيال أخوي به وجايبتن لي وحدة عشان أوريهم وشلون وهم يسوون زيي<<<<<هذا وأنتي ما تحبينه
$$$$$$$$$$$$$$$$$$$$$$$$$$$$$$$$$$$
الحقاق السابع
بنبعد شوي عن أيام الطفوله ونرجع لأرض الواقع شوي
هالمرة جبت لكم شي موصي عليه الرسول{ اللهم صلي وسلم عليه}
وبما إن رمضان مابقى له إلا شهر الله يبلغنا إياه
جبت لكم هالحقاق من مكة وحطيته بالفريزر عشان ما يخرب ويبتل طازج<<<سنعه

ترى المساويك المنرزمات(((برزمه))) حارات للي يبي حار
والباقي بارد وتراه لين وطري والشايب اللي يبعهن ولد حلال <<<وش دخل الشايب بالموضوع
نسيت أقولكم بكرة الإثنين والأيام البيض وعقبه الخميس عاد صوموا وتسوكوا وادعولي
واللي تبي تاخذ لرجله والا أبوه والا أخوه ما عندي مانع تاخذ بس بدون ما تزاحمون تراهن واجدات<<<<بدت المنه
$$$$$$$$$$$$$$$$$$$$$$$$$$$$$$$$$$$
هذا الكرتون وعرضناه ولله الحمد بس ما قضى الحقاق باقي كراتين ثانيه بس وش أسوي لمنتداكم يقول الصور كثيره والا أنا ما حب أماطل بالواحد <<<<واااااااااااااااااااااااااااااااضح
انتظرن البقيه الله ياجركن