اكمل ولا انفصل ........

الله يجزاكم خير بنات ع الردود انا عندي امل اكمل دراستي واملي بالله كبير وانا لما تزاعلنا عشان هالموضوع مارحت للاهلي هو كلم اخوي وقاله ع كل شي واخوي اتصل فيني وانا وقتها كنت اكلم امي وعرفت بكل شي والصراحه امي واخواني نفس الموقف متخذينه معي مو انهم مايبوني بس شايفين انه سبب تافه انفصل عشان الدراسه خصوصا ان مادية اهلي بالنسبه لمادية زوجي ابسط واقل بالكثير وحتى البيت ع قد حال زوجي في سلبيات كثير وفي بعد ايجابيات راح استخير واذا تنازلت عنها حاليا ماراح اتنازل عنها بعدين ادعولي تكفون يابنات ادعولي اني اكمل دراستي وربي يحقق لي املي

انا مستغربة من عناد زوجك بس ايضا انت لا تحطين راسك براسه كل شيء بالمسايسة
والهداوة والكلمة الطيبة بإذن الله يصير بس عليك بالدعاء وكثرة الاستغفار والله ييسر
امرك ويسخره لك

بس الي مستغربته بعد انت ليش حريصة على الدراسة طالما انت اصلا متفقة معاه
انك مارح تتوظفين ,,؟؟

انصحك تستخيرين وتدعين ووبنفس الوقت تقنعينه انك محتاجة الدراسة لأن الواحد
مايدري عن الدنيا لو لا قدر الله صار شيء في المستقبل واحتجت تتوظفين كيف
تتوظفين بشهادة بسيطة ,, الحين ما يقبلون الا ماجستير ودكتوراه وواسطات والله المستعان
الواحد ما يضمن نفسه ,,

اتمنى لك كل خير ,, وطالما كل شيء مهيء لك ومبسوطة مع زوجك واولادك
نصيحة لا تضحين بحياتك الزوجية عشان دراسة ممكن ما تستفيدين منها اصلا
حتى بالمستقبل ..

لاحول ولاقوة الا بالله . اللي يدرسن يتمنن الخاطب ، واللي خلصن دراستهن جلسن ع شهاداتهن وماتوضفن و يقولن خسارة عمرنا راح بالدراسه ليتنا متزوجين ..
وانتي بتنفصلين عشن دراسه !!! هو صح الدراسه شي اساسي بالحياه بس مو للكل يعني مثلاً انتي زوجك صارف عليك وع عيالك ومهتم فيكم وانتم مرتاحين . ليش مشكلة صغيره تخرب حياتكم
والله لو تعرفين قيمة التعب والشغل والدوامات والكرف كان سجدتي لله شكر الف مره ع راحتك اللي انتي فيها . تعوذي من الشيطان وتصالحي مع زوجك وقولي له خلاص انا اختارك انت والدنيا كلها ماتساوي شي بدونك
وساعديه ع مواصلة تعليمه . وبنفس الوقت اقول لاتشيلين الدراسه من رأسك لا .. ادعي دايم ان ربي يسخر لك زوجك ويوافق . وتصدقي بنية ان الله يسهل امور دراستك ..
والله يكتب لك الخير . وتذكدي الخيره فيما اختارها الله .

انا رايي من راي اختي تيفانية انيقة انا مثل وضعك تماما كان زوجي رافض ادرس علشان عيالي وكل سنة ابدرس الى اقنعتة وجبت شغالة وهذاني ادرس عن بعد بلااقنااع والدعاء راح ربك يفرجهاا وفالك التوفيق يارب

..