هلا والله لوييا
الحمدلله حالة الاكتئاب عم تزول شوي شوي
وحياتي هون ملل بملل دبحني الروتين ودائما زوجي بلومني بقلي لازم تتعلمي اللغه التركيه واصلا هون باسكي شهير مافي معهد لتعليم اللغه ولما جبت وحده تدرسني كانت طالبه ومافاضيه تحك راسها وماكانت تدرسني من قلب ورب الله يسامحها
انا بحس من داخلي انو فيني اعمل شي بس هون ايدي مربطه بالاحرى لساني مربط لاني ما بعرف احكي تركي دوبني اعرف مشي حالي لما بدي اتسوق
مبارح رحت احكي مع اخي باركله بنجاحه بالتاسع بعد ما حكيت معه اجيت بدي حاسب عطيته 20 مليون قام رجعلي 15 مليون وانا مدري شو صرلي شفت عالكاشف ان انا حاكيه بقيمة 9 مليون فكيف برجعلي 15 مليون وخدي بقا لبين مافهمت عليهم شوي وراحت وحده رفعت السماعه وفرجتني اني حاكيه بقيمة 5 مليون كنت صرت قد الكمشه قدام الكل
بدي حاول اتعلم اللغه ان شاء الله لو مكسره مو مشكله ولا ضل بهالحاله اللي انا فيها
بعرف حكيت كتير بس اذا الكم ما حكيت وفشيت قلبي لمين بدي احكي
نداء لكل السوريين..........
متابعة النقاش، صفحة 233