ابي حل لبنتي عمرها اربعه سنوات ونص

أحلى بنوته هذا وانا بالنفاس وعشانها بكر بس الحين ماتستاهل انا ناسيه التوقيع ذكرتوني فيه ههه

كأنك تتكلمين عن بنتي جننتني تخليني اضربها غصب وبنفس عمر بنتك الله يصلحها اذا لقيتي حل ارجوووووووووووكي اعطيني

لازم تداوم بمدرسه أو روضه. راح تتعلم الانضباط والالتزام، وخصوصا أنه مو لوحدها راح يكون معها أطفال. يعني قوانين وماشيه على الكل، وما في لا أم ولا أب.
لكن بدك تلاقي مدرسه أو روضه منيحه.
أبني غلبني شوي وهوه صغير. بس مو مثل بنتك. أخف بكتير. بس لما داوم تعلم الأدب والانضباط وصار يسمع الكلام ويساعد. واي شي أقوله يسويه. الحمد لله رب العالمين.

كمان أختي لا تنسي الدعاء لاطفالك. أنا لساني ما يكف عن الدعاء بصلاح الذريه والهدايه والتوفيق.
ودايما أدعي ربنا يكون معين لي بالتربيه.
أدعي ربنا في كل لحظه، دايما لا تنسي ولا تتعبي. الا ما ربنا يستجيب.

وكمان أنا كنت أستخدم أسلوب الحبس في غرفتهم. بس لازم تكون فاضيه، حتى تضمني ما تخرب ولا تكسر. واحسن من الضرب. وابوها لازم يتعاون معك، لانه مثل زوجي تماما.
تخيلي أنا أكب الألوان، وهوه يروح يشتريلهم علب الألوان البلاستك ويقولهم عادي خربشوا على الحيطان. الله المستعان. هيه فتره وتعدي. بس لازمنا صبر أيوب . الله يصبرنا ويعظم أجرنا .

اول حاجه الله يعينك على تربيتها ويصلحها لك ويصلح ذرياتنا وأزواجنا ..
الله الله في الدعاء خصوصاً وقت السجود أدعي ب اللهم هب لنا من أزواجنا وذرياتنا قرة أعين ..
ثانياً حاولي تكوني قريبه من بنتك هي شكلها جداً عنيده وصدقيني أسلوبك ماينفع معها وانتي قارني بين اسلوبك واسلوب زوجك معها وشوفي هي ليش تسمع كلامه وانتي ماتسمع لك وحركات بنتك طبيعيه بس لازم انتي تعامليها باسلوب لين اكثر استخدمي معها ماما حبيبتي .. فديت البنات الحلوات اللي يسمعون الكلام عززيها بالكلام الطيب الايجابي والتشجيع ..
وحاجه أخيره فاجئتيني فيها انتوا شلون تروحين الغرفه تنامين وانتي مانومتيها حراااام عليك هي طفله محتاجتك اكثر من حاجة زوجك لك هو ممكن يقدر لكن هي لا طفله شلون تخليها تنام بروحها انا اودي بناتي لغرفتهم انيمهم
ربعدين اروح لغرفتي انام فيها لكن تخليها ورا باب الغرفه تناديكم وانتي ترفضين تفتحين صراحه من ها الموقف حسيتك جداً قاسيه معها بدال لاتقرين عليها لين تنام وتلمينها في حصنك تطردينها ماعرف راجعي حساباتك معها انا صحيح عندي خدامه وتساعدني واجد في اهتمامها بعيالي بس انا مستحيل اروح انام واخليهم عندها خصوصا في الليل انا انيمهم واتطمن عليهم بعدين اروح غرفتي ...

بتوقيعك عمر بنتك المفروض يكون 3ونص وانتي كاتبه 4ونص بالموضوع

عموما لو عمر بنتك فوق الاربع دخليها روضه وخليها تفرغ الطاقه اللي فيها وتشاغب هناك هم يعرفوا يتصرفوا معها بحكمه

انا بنتي عمرها 3 سنوات ونفس بنتك تماما اذا عصبت تكسر اللي قدامها بس انا عصبيه عشان كذا هي تقلدني وصدقيني

حكاية الضرب هذي فاشله انا كنت احاول مع بنتي بكل الطرق مافاد اخر شي قمت اضربها صارت تضربني

يعني ماينفع العقاب اتبعي اسلوب ثاني المدح والترفيع وحمليها مسئوليه قولي رتبي اغراضط اعطيها مكنسه تكنس غرفتها

خليها تحس انها شخص اساسي بالبيت