شاركي في النقاش

سجلي الدخول لإضافة تعليق.

التعليقات

58

  1. @miss_nana1

    SenO
    استهدي بالله وافرحي وادعي لاختك انا تزوجت قبل اختي الكبيرة وكانت مقهورة كذا مثلك ودايم تقول فلانة بتصير متزوجة وام قبلي وماحد يخطبها ومن هالكلام والحييين تعالي شوفي حالي الامراض من كل جهة من يوم ملكت لحد الان ومحرومة من الامومة صار لي …
    تعوذي من ابليس هذا الشيطان بيكبر قلبك ويخليك تسيئين الظن بأختك .!
    هذا قدرك ولازم ترضين فيه واختك ما لها شغل باللي صاير لك .!
    فوق ما انها مجروحه تزيدين عليها بسوء ظنك !!!
    الله يصبر قلبها بس ويرزقها من حيث لا تحتسب .!
    روحي عالجي وادعي ربي يشفيك وصفي قلبك على اختك وربي يستجيب دعائك ..

  2. @kmor_3_1

    عشق القوافي
    السلام عليكم ورحمة الله وبركاته صباحك سعاده وتيسير امور باذن الله ياقلبي انا فاهمه زين كل كلمه قلتيها وحاسه بالنار اللي جواك انتي تتمني لها الخير لكن تفكري وتخافي انك تظلي مثل ماانتي اولا هاذي ارزاق بيد الله وحده مو معنى انها بتتزوج قبلك…
    ياحلوووة اذكري الله
    الحمدلله ياااااارب 
    والله ماندري وين الخيرة فيه 
    وربي هو اللي مقسم الرزق و موزعه بالوقت المناسب👍👍

    انا اختي الصغيرة تزوجت قبلي ب4 سنوات 
    وقتها كنت ادرس بالجامعة وقلت الحمدلله خيرة واكيد ربي صرف عني الزواج حاليا لحكمة هو يعلمها قبلي!! 
    و تخرجت و توظفت و تزوجت واحد كنت اتمناه {طبعا في مشاكل واجد بس هذي هي الحياة شو نعمول}😅وحسيته مثل الحلم سبحان الله! 

    تذكري عزيزتي: 
    * سهام الليل لا تخطئ،،، قوي صلتك بالله و ادعيه وانسي الموضوع مو تقعدين تفكرين كأن مافي سعادة غير بهالزواج! 

    * عيشي حياتك
    * استمتعي بكل يوم يمر عليك 
    *استمتعي بالتجهيز مع اختك وشاركيها الفرحة💕
    * حبي نفسك و دلعيها ولاتنتظري ذلك من غيرك
    * جددي مشاعرك وخليك متفااءلة و احسني الظن بربك وانتظري منه كل خير و جميل. 
    * واخيرا لا تنسي هالدعاء" اللهم لامانع لما اعطيت ولا معطي لما منعت" لانه بيطرد الحسد من القلب باذن الله وان شاء الله ماهنا لاحسد ولاغيرة💕 
    دعواتي لك بالتوفيق و صدقيني ربي بيرزقك باللي تتمنيه عاجلا ام اجلا~ 

  3. @hbyb_mydo_2

    عادي جدا ليش زعلانه كم فرق العمر الي بينك وبينها
    عارفه لو مثلا أختك عمرها 23 وأنتي 33 فرضا على سبيل المثال
    كان قلت يحق لك نوعا ما تزعلين لأن الفرق كبير بينك وبين أختك
    مو حسد لكن تقولين فرق العمر بيني وبينها نوعاما يحسسك بقلة الفرصه
    وأنا نهائي ما أقصد أنو الي عمرها 33 أنها عانس لا وألف لأ
    لكن لما يكون فرق العمر 5 سنوات وأقل
    رأيي أنكم نفس الجيل والفكر والفرق بينكم مو كبير حتى يأثر على نفسيتك لذي الدجه
    أنا بنت عمي الصغيره ملكة قبل الكيره ونفس حالتك مو زعلت لأ خافت من نظرت الناس
    وصديقتي تريبها الثانيه وأختها الي بعدها تزوجت قبل خواتها الثنتين وبعده الكبيره وبعده صديقتي الوسطانيه
    وتسير الحياه لا تخافين ما فيه وحده عنسة بيت أهلها

  4. زي ماقالوا الاخوات بتلاقين في المجتمع كثير مثل حالتك طنشي احيانا اقول ليتني تزوجت بس لما اشوف المتزوجات مشغولات بعيالهم وازواجهم من غير مشاكلهم على طول مع ازواجهم وتربيتهم لاولادهم والغير متزوجة مبسوطه ومرتاحه لاهم همها نفسها بس تنام متى تبعى وتصحى متى تبغى

    انبسطي وعيشي حياتك

تابعي تجارب أخرى من هذا القسم.