شوفي ياقلبي ، لازم تتخلصين من المشاعر السلبية اللي داخلك ، يعني الشعور بالقهر والغبن وووو ، يعني تتقبلين اللي حصل على أنه قدر لامفر منه هذي الخطوة الأولى ..
الخطوة الثانية ابدئي في انتزاع المشاعر السلبية اللي في نفس أختك ناحيتك وتفهمي موقفها ، اللي حصل لها شي مو سهل صحيح انها غلطت غلط كبيييير ، لكن هي اﻵن مافي نفسها الا شي واحد انك انت السبب .. عشان كذا لازم تنتزعين هذا الشي من نفسها وترجعين لها ثقتها فيك وحبها لك كأخت وهذا الشي مو سهل بعد اللي حصل لكن هي معركة ولازم تكونين قدها ..
المطلوب منك أول شي .. اكتبي رسالة لها بيني فيها موقفك وانك ماظلمتيها ووو وكل اللي نفسك اكتبيه وبيني لها انك تحبينها وانك متأثرة من اللي حصل وان كل إنسان يواجه مواقف صعبة في حياته لكن لازم يتجاوزها ..
واحتمال كبير هي ماتتقبل رسالتك أو ترد عليك رد مو حلو ، ماعليك لاتهتمين طنشي ولاتردين عليها ..
بعد كذا بكام يوم اشتري لها شي تحبه يعني شوكولاته ، شيبسات وحطيها على سريرها لما تكون برا الغرفة خليها تتفاجأ فيها أو حطيها في شنطة الجامعة وبعد كم يوم كرري نفس الحركة ، يعني شي بسيط مو هدية غالية لااااااا عشان لو ماتقبلتها ماتنقهرين .. وإذا كانت مريضة اهتمي فيها سوي لها أكل وجيبيه لها في السرير وجيبي لها دواها وكذا يعني ..
وفي هذا الوقت خليك مرحة ولا تنفردين بنفسك كثير اجلسي مع اهلك عادي وتقربي من اخواتك الباقين واشتري حلويات ووزعي عليهم وهي من ظمنهم واذا ما أخذت منك عااادي لاتهتمين ولا تبينين انك انقهرت ..
بعد فترة من استخدام هذا اﻷسلوب راح تلاحظين تغير بسيط في تصرفاتها ناحيتك بمعنى تحسين انها بدت تستحي على دمها شوي ، إذا لاحظت هذا الشي اشتري لها هدية غالية شوي يعني ساعة ، خاتم ذهب ، شنطة حلوة ، فستان .... بس بشرط يكون شي تحبه عشان تتقبله وتفرح فيه حتى لو مابينت هذا الشي قدامك .......
واستمري على هذا اﻷسلوب واستغلي لحظات الضعف عندها يعني لما تكون مريضة أو متضايقة لسبب معين أو محتاجة مساعدة في الدراسة أو محتاجة شي وماعندها فلوس تجيبه ، في هذي الحالة راح تظهرين انت وتقدمين الشي اللي عندك بلطف وحب بدون تصنع عشان يوصل هذا الشي لقلبها قبل يدها ..
سبحان الله تفاعلت مع قصتك مع اني نادرا ما ارد ، لكن كلامك فيه ألم ومعاناة
وحبيت أساعدك ..
موفقة ياقلبي وطمنينا إذا حصل تغييير ...
مشكلتي مع اختي مانحلت لها ثلاث سنوات ورب السما موجوووعه
متابعة النقاش، صفحة 11