شاركي في النقاش

سجلي الدخول لإضافة تعليق.

التعليقات

105
  1. @sdym_80

    مهاوي عين النداوي
    حسبي الله ونعم الوكيل .. إختك هذي ما ينفع معهااا إلا العين الحمراء عندك أخووان ؟؟ إذا إي خلي أكبر واحد فيهم يربيهاا ويعلمها ادب ..
    شوفي ياقلبي ، لازم تتخلصين من المشاعر السلبية اللي داخلك ، يعني الشعور بالقهر والغبن وووو ، يعني تتقبلين اللي حصل على أنه قدر لامفر منه هذي الخطوة الأولى ..
    الخطوة الثانية ابدئي في انتزاع المشاعر السلبية اللي في نفس أختك ناحيتك وتفهمي موقفها ، اللي حصل لها شي مو سهل صحيح انها غلطت غلط كبيييير ، لكن هي اﻵن مافي نفسها الا شي واحد انك انت السبب .. عشان كذا لازم تنتزعين هذا الشي من نفسها وترجعين لها ثقتها فيك وحبها لك كأخت وهذا الشي مو سهل بعد اللي حصل لكن هي معركة ولازم تكونين قدها ..
    المطلوب منك أول شي .. اكتبي رسالة لها بيني فيها موقفك وانك ماظلمتيها ووو وكل اللي نفسك اكتبيه وبيني لها انك تحبينها وانك متأثرة من اللي حصل وان كل إنسان يواجه مواقف صعبة في حياته لكن لازم يتجاوزها ..
    واحتمال كبير هي ماتتقبل رسالتك أو ترد عليك رد مو حلو ، ماعليك لاتهتمين طنشي ولاتردين عليها ..
    بعد كذا بكام يوم اشتري لها شي تحبه يعني شوكولاته ، شيبسات وحطيها على سريرها لما تكون برا الغرفة خليها تتفاجأ فيها أو حطيها في شنطة الجامعة وبعد كم يوم كرري نفس الحركة ، يعني شي بسيط مو هدية غالية لااااااا عشان لو ماتقبلتها ماتنقهرين .. وإذا كانت مريضة اهتمي فيها سوي لها أكل وجيبيه لها في السرير وجيبي لها دواها وكذا يعني ..
    وفي هذا الوقت خليك مرحة ولا تنفردين بنفسك كثير اجلسي مع اهلك عادي وتقربي من اخواتك الباقين واشتري حلويات ووزعي عليهم وهي من ظمنهم واذا ما أخذت منك عااادي لاتهتمين ولا تبينين انك انقهرت ..
    بعد فترة من استخدام هذا اﻷسلوب راح تلاحظين تغير بسيط في تصرفاتها ناحيتك بمعنى تحسين انها بدت تستحي على دمها شوي ، إذا لاحظت هذا الشي اشتري لها هدية غالية شوي يعني ساعة ، خاتم ذهب ، شنطة حلوة ، فستان .... بس بشرط يكون شي تحبه عشان تتقبله وتفرح فيه حتى لو مابينت هذا الشي قدامك .......
    واستمري على هذا اﻷسلوب واستغلي لحظات الضعف عندها يعني لما تكون مريضة أو متضايقة لسبب معين أو محتاجة مساعدة في الدراسة أو محتاجة شي وماعندها فلوس تجيبه ، في هذي الحالة راح تظهرين انت وتقدمين الشي اللي عندك بلطف وحب بدون تصنع عشان يوصل هذا الشي لقلبها قبل يدها ..
    سبحان الله تفاعلت مع قصتك مع اني نادرا ما ارد ، لكن كلامك فيه ألم ومعاناة
    وحبيت أساعدك ..
    موفقة ياقلبي وطمنينا إذا حصل تغييير ...
  2. @hnyn_alshok_9

    حبيبتي الحل بايدك انت
    هالحين هي الغلطانه وهي اللي انكشفت وهي اللي تعاقبت . ومع كذا هي فالتها وتضحك وتستهبل وتلعب وعايشه حياتها.وانت اللي شريفه وعفيفه وماغلطتي عايشه بهم ومنكده على نفسك ومضيقه على عمرك وعازله نفسك ؟؟!!!!!!
    المفروض العكس
    واذا صارت عي عينها قويه وماتستحي انت ليش مضيقه عمرك؟!!
    عيشي حياتك وكأنها غير موجوده انت سويتي اللي يرضي ربك اولا وضميرك ثانيا وحميتيها من نفسها والشيطان ودرب الشر وربي حماك من كذبها وكشفها قدام اهلك كلهم . الان خلاص حاولتي معها تتعدل وتشرحين لها انها كانت ع خطأ وان قصدك الخير لها.والله رضت واقتنعت اهلا وسهلا.مارضت الله لايردها لا تحطمين نفسك ع شانها عيشي حياتك اضحكي فرفشي استهبلي امزحي اطلعي اشتري زيك زيها .انسي وجودها كأنها مو موجوده ، ومصير الايام والسنين معلمتها حجم غلطتها مع نفسها ومع اهلها ومعك.
    وبالنسبه لاخواتك انا لو منهم باتجه مباشره لاختي اللي تضحك وتفرفش  وتمزح ما ابي الاخت النكديه بصراحه ولاتزعلين.
    انت حبستي نفسك بهالحاله وصار همك كيف ترضينها وكيف تبررين موقفك . وهي عرفت نقطت ضعفك واستغلتها بدهاء.
    اقلبي الطاوله عليها وغيري اسلوبك ولا تدققين بكل كلمه وكل تصرف يبي لك وقت لحد ما تقدرين تستعيدين اللي حولك اللي خلتهم يلتفون حولها.اشتري واهدي خواتك واهديها هي بعد من ضمنهم ان اخذتها او مو ضروري اطلعي والعبي وانبسطي .كوني صداقات سواء من القرايب او من خارج العائله
    والله يسعدك وينولك اللي ببالك
  3. @labsh_tokh

    تقربي لخواتك الثانيات وخليك بشوشه وضحوكه معهم
    وراح يتقربون لك
    قربي لامك ،اضحكي معها
    ولايهمك واذا ردت عليك ردي عليها

    خليك قويه شافت ضعيفه وتقوت عليك
  4. @sfyrh_aldlaa

    ياقوي باس اختك بس صدقيني بيوم راح تنكسر وربي راح ياخذ حقك منها ....
    واعتبريها ماتت لانتظرين لها ولاتنتظرين تعاطف منها بقلعتها ....

    شوفي تبين تجذبين خواتك منها سهل ...

    _غير ستايل لبسك ......وشكل شعرك .....البنات يجذبهن الشكل
    =اكثر شي يغري البنات مكايج مثل نيكد ارواج ماك محدد الحواجب ماك ....الخ

    +اجذبيهن باغراضك بس اشتري وخبيه عنهن يجن لك طيران ..
    +واجذبيهن بشبسات والعصاير والشكولاه ...
    ابدي تزيني وشدي حيلك مناكير ...وبدكير الخ

    اجذبيهن بغموضك ...وبضحكاتك ...وعيشي حياتك
    صادقي صديقات امك ...
    وحريم جيرانك اجذبيهن بخفه دمك غيري كل شي

    ام هي الله يكفيك شرها انسفيها من حياتك وكن ربي ماخلقها وهمشيها .
    ولاتصدقينها باكر لاجتك تبكي وتقول سامحيني لان قلبها اسود يمكن حتى حياتك الزوجيه تدمره
    ام من ناحيه سمعتك ..لاتخافين ربك كاتب لك رزقك ورزقك مراح احد يقدر ياخذه منك مهما كان ....


    بس قولي اللهم اكفني بما شائت
  5. @sfyrh_aldlaa

    شوفي المحرك الاساسي لها الشيطان والحقد ....

    ام صديقاتها

    او اي احد يكيد لك


    توضي وصلي لك ركعتين باي وقت ...ولا سجدتي ادعي ربي انه يجعل حيلهم بينهم ويفضحهم فيما بينهم ....
    والله كلما دعيت لمن كادني الا يفضحهم ربي ام عند الملاء


    ولا بينهم



    قصتي مع مدرسات كادن لي لاني كان عندي ضروف ويسموني بالغامضه لاني ماحب اشكي ...وكان الاداء اعلي منهم ...
    فكاد لي ودعيت هالدعاء وصارت مذبحه بينهن وفضايح ...

    وناس كادو لي وصارت للشرطه ...وانفضحوا وتشاكوا ....
    وانا براء السالفه
    والثالثه عائله كامله كادو لي لاني ماخذيت ولدهم صارو يبجبون سواليف رجلي وماكنت اهتم واكذبهم ...وسبحان الله دعيت عليهم والحين علاقتهم منقطعه وصارت قطاعه


    بس اقول اللهم من كاد لي بسواء فاشغلهم بانفسهم ...

تابعي تجارب أخرى من هذا القسم.