مرحبا يا احلى رفقة نت ..
الحمدلله على هذي النعمه وهي نعمة وجودي بينكم ..
اعتذر عن هالعنوان اللي ما جا في بالي غيره
بس شسوي ؟ عندي 6 كيلو زياده واقفين لي عظم في طريج الرشاقه
وعلى كثر ما فكرت اطبق اي رجيم لو حتى متروس اكل بس
ماشي فايده دومي من اشوف الاكل اصير مفجوعه وتقول محروم وطايح في عصيده
المهم الحين..انا قبل فتره طويله قريت عن طريقة ال 21 * 14 عجبتني بس
اللي ما شجعني اطبقها هو كلام البنات المتضارب عن جوازها من عدمه
عاد قبل كم يوم سمعت الرائع صلاح الراشد بشحمه ولحمه يطري هالطريقه بشكل عقلاني
خلاني احس ان اتباعها ان شاء الله ما يدخلنا في حيز الشك
وبعدين ما ننسى انه الله سبحانه وتعالى قال " انك لا تهدي من احببت ولكن الله يهدي من يشاء "
فعملية ارادة الشي من الخاطر والالحاح فيها تجعل من المستحيل ممكنا باذن الله
ومن هنا .. ومن بعد اذنكم وعيونكم وجمال ارواحكم
استأذنكم اني استخدم طريقة 21*14 هنا علني جدامكم على الاقل
يمكن يستحي هالوزن الزايد على دمه ويتلحلح شوي ويهبط بحيل الله وقوته
على العموم اللي ما يعرف طريقة 21*14 اللي قال عنها صلاح الراشد
هي كالتالي
تكتب الامر اللي تتنمى حصوله بصيغة الحاضر وكأنه استوى فعلا وبجنبه على طول تكتب
ردة فعلك او اول ما يخطر على بالك لما كتبت الامر
وتكرر كتابة هالامر 21 مره في اليوم ولمدة 14 يوم متواصله
ولازم حزة كتابة الامر تكون في جو هادي بحيث ما تتعرض ابدا للانقطاع وقت تكرار الكتابه
يمكن الشرح اللي حطيته صعب لاني ما اعرف اشرح ولا لي بالتدريس
بس طريقة تنفيذها سهلة جدا وتنفهم من التنفيذ على طول
بشاوركم قبل لا ابدا .. بتتحملوني لمدة 14 يوم وانا ارز بوجهي وامنيتي جدامكم ؟
ادري قلوبكم تستحمل الاكثر من كذا وعلشان جذيه تجرأت وحطيت رغبتي
واتمنى القى منكم الوقفه الطيبه حواليه والدعاء الصادق لي بتحقيق الهدف باذن الله
نسيت اقولكم اني جربت اتبع هالطريقه بيني وبين نفسي بس مشكلتي انسى فيصير الامر متقطع
وهذا يخرب عليه شرط التواصل في الايام
وبما اني كحالة الجميع لابد امر كل يوم على الاقل مرتين على عالم حواء
مره صباحا ومره مساء فهذا اعتقد راح يساعدني اني ما انقطع عن التنفيذ الين ما تنتهي المده
وياااااااااااااااااارب يا كريم لا تخيب ظني
وعلى بركة الله ابدا الحين
ملاحظه : بحاول اجمع بين هالطريقه وبين المشي والرقص لانه الرجيم ما اتوفق فيه كل مره
والنتايج ان شاء الله راح تكون هنا
يعطيكم العافيه على تحمل لقافتي بينكم
:)
الموضوع مغلق