مشكلتي عدم الزواج وكلام الناس .معدل/ قديم

انا قريت مشاركاتك كلها كيف تبين الناس تحترمك وانتي ساكته اذا احد غلط عليك ردي واقصفي جبهته ويحرم يغلط عليك مره ثانيه مثل اختك قوليلها انتي خطافه رجاجيل لو كان الحين انتي مكاني وانا مكانك حتى عيالك مفروض يكونون عيالي والمفروض انتي من بين اخواتي ماتتكلمين ﻻنك لوﻻ الله ثم انا ماتزوجتي وزي خالتك ماني عارفه وش الصوره بالضبط بس كان سكتيها بآي شي ﻻنك عشتي الموقف وما خﻻ اخواتك وخاﻻتك يتجرئون عليك اﻻ ﻻنك ساكته ولﻻسف خليك قويه ومؤمنه بالله 👍👍

الله يعين يارب
والله مثل حالتك لا زواج ولا وظيفه
و يارب تفرجها علينا يارب

اختي في الله 
الله يرزقك بزوج خير لك بالدنياء والآخره 
نصيحه اقري على نفسك واشربي مويه وبعدين كان عمرك 30 من قال انك عنسستي 
توك حبيبتي وماتأخر زواجك الا لخير 
بتعرسين وبتعيشين وبتخلفين وبتربين وبتصير ايامك ذي ذكرى تفائلي ياوخيتي 
تو عزيزه علي متزوجه عمرها ثلاثين او واحد وثلاثين والحمد لله 
ابي اقولك نصيحه سويها ان صابت والا مهيب ضاره
خذي اثر من زوج اختك لان يمكن نفسه فيك وعينه محيرتك 

هههههههههههههههههههههههههههههههههه ضحكت عليك شكل عائلتك ظريفه وخفيفه دم ويطقطقون عليك وانتي مرررره حساسه تعالي انا اكبر منك ونفس وضعك بس عكسك اخاف من عيون المعرسات ترى العزوبيه ايام لاتعوووووووووض حسافه الشباب يروح في هم وتربيه وعيالان وسعي صدرك ورزقك جايك جايك ممديه على الغثاااااااااااء طيب واذا ماانخطبتي خير ياطير هذي ارزق مقسمه وتو دروك ماجاك وكلما تاخرتي بيكون نصيبك احسن من اخواتك انتي ادعي ربك باادق المواصفات الي تبينهاااااا وربي بيرزقك ولو عمرك خمسين والدعاء يرد القضااااا بقولك سالفه قرايبي الي تزوجووا متاخرين من 35 فما فوووق والله ماتصدقين ناس مانتوقع يتزوجون مو نقص فيهم بس المجتمع العقيم الي يقول اذا وصلت سن معين ماتتزوج لكن ربي اذا اردا شي قال كم فيكووون وحده منهم تاخرت بس تزوجت شاب واعزب وكبرها وحظها احسن من اخوواتها تعالي شوفيها سفريات ودلع وشي شي اخواتها يحسدونها على هالحظ واكل الي اعرفهم الي تاخروووا نصيبهم احسن مايكون يمكن ربي خلا ابتلائك في تاخر الزواج عاد المتزوجات مبسوطات لفي القسم شوفي مشاكلهم وبعدين نعم ربي عليك كثيررررره احمدري ربك ماتراجعين من مستشفا لمستشفا والا فيك بلا والا مررررض دققي في نعم الله عليك تخيلي انك عميااااا او مشلوله لحظتها بتفكرين في زووواج تعوذي من ابليس وعيشي احلا ايام عمرك عزززز الشباب

حبيبتي الغاليه
لكل انسان ابتلاء بهذه الدنيا
مافي احد مرتاح وبالذات المؤمن ربي يبتليه ليرقع درجته في الجنه
الي متزوجه مبتليه
والي معها عيال مبتليه
والي تأخرت في زواج مبتليه
والي مريضه مبتليه
والي تطلقت والي ترملت والي والي والي
الابتلاءات كثيره جدااااا لكن لازم نتعامل معها بالطريقه الصحيحه علشان نرتاح
اول الامل الامل الامل بالله لا ينقطع ابدااااا حتى لو اجتمعت كل الدنيا عليك علشان يزلزلون ثقتك بكرم الله
ايضا اخواتك الي جالسين يعيرونك ابتلاء من الله فأفرحي بدرجه عاليه في الجنه وحظ قليل في الدنيا الزائله