بسم الله الرحمن الرحيم
انا اكبر بنت في العائله، ادرس باول سنه بالجامعه ( تحضيري )
طبعاً اكتب هذا الكلام بعد ساعات في السرير وانا اصيح
وماعندي احد افضفض له عن هالموضوع وجيت هنا باسم غير معروف علشان اقول هالكلام اللي مو مخليني انام.
امي بالنسبه لي هي الانسانه اللي مستعده اضحي بنفسي علشان اشوفها تبتسم
امي هي كل حياتي لدرجه بالجامعه دوامي طويل اتصل عليها بنص المحاضره علشان بس اسمع صوتها
اشتاق لها كثير احس في هالدنيا كلها محد يحب امه كثر حبي لامي. مالي حياه بدونها ابداً
مستحيل يجيني نوم قبل ماادخل عليها وابوس رجولها والحفها. امي غير عن كل الامهات
امي موظفه وعندها قروض وديون . طبعاً راتبها يخلص في اول يومين بحكم مصاريف العائله
وانا زمان ما كنت افكر بالتفكير اللي افكر فيه الحين ، ماابي امي يصير في ظهرها دين و مستعده اسدد كل ديونها بس كيف ؟
طبعاً في الجامعه حطوا مسابقه في مؤتمر التعليم العالي واشتركت فيه بحكم ان الجوائز ماليه رغم ان ضغوطات الدراسه و ماارجع بيتنا الا المغرب ما يمديني احل واجباتي و اكل الا اسوي البحث حق المسابقه ما اذوق الراحه مع ان عمري صغير. و مكافاتي كلها اعطيها امي.
فكرت اني اسوي مشروع تجاره الكترونيه بس رفض ابوي واخوي رفض تام.
تعبت نفسياً من كثر التفكير. ووجهي سود ونحفت مره من كثر ما ان بالي مشغول
انتظر تخلص هالسنين علشان اتوظف و يفداها امي الراتب ولو اسحب قروض علشان تسدد ديونها
يصير قروض بظهري ارحم لي بمليون مره من انها تصير على امي
احترت مره ماادري وش اسوي.
والله مااقدرت انام من كثر التفكير.
شاركي في النقاش
سجلي الدخول لإضافة تعليق.
التعليقات
21- الله يوفقك ع ما قد نويتي تسعدين امك
لا تخافين وكلي امرك لربك دامك تبرين امك راح تشوفين التوفق والنجاح بعيونك واهم شي تكون راضيه عليك
كرري حسبي الله الذي لا اله الا هو عليه توكلت وهو رب العرش العظيم 7 مرات
وحسبي الله وكفى سمعاً لمن دعا ليس وراء الله مرمى 1 مره
وانتي تقولين الادعيه فكري بالهم الي شاغل بالك وراح ينفرج بأذن الله - حسبي الله الذي لا اله الا هو عليه توكلت وهو رب العرش العظيم
حسبي الله الذي لا اله الا هو عليه توكلت وهو رب العرش العظيم
حسبي الله الذي لا اله الا هو عليه توكلت وهو رب العرش العظيم
حسبي الله الذي لا اله الا هو عليه توكلت وهو رب العرش العظيم
حسبي الله الذي لا اله الا هو عليه توكلت وهو رب العرش العظيم
حسبي الله الذي لا اله الا هو عليه توكلت وهو رب العرش العظيم
حسبي الله الذي لا اله الا هو عليه توكلت وهو رب العرش العظيم
حسبي الله وكفى سمعاً لمن دعا ليس وراء الله مرمى - الله يسعدك ويوفقك ويريح أمك من الدين يارب
- قولي امين
الله بجعل التوفيق حليفك وين ماتروحين
بيض الله وجهك
صدقيني نيتك هذي ماتضيع عند الله
الله يوفقك وييسر امرك
الرزاق في السماااء - كثرري استغفااار وبتسسدد ديونها باذن الله
مواضيع مشابهة
تابعي تجارب أخرى من هذا القسم.