أنا فيني حررررة...ليش سوقنا غالي!!!!! من وين أجيب فلوس أطر؟؟؟!

ترى الموضوع ومافيه ان عندنا مرض اجتماعي
وحده من صديقاتي راحت لمشغل تخيط فستان لزواجها ب(65000)خمسه وستين الف ريال
يوم جت خارجه من المحل فيه واحده تشحد عند الباب عطتها 200)ريال قامت الحرمه تسلم وتدعي تقول لها ان هدا يكفيها وعيالها شهر ماصدقت صديقتي الموضوع وقالت لها طيب اعطيني عنوانك علشان اجيب لك اشياء عندي زايده المهم عطتها العنوان وراحت بعدين هي وامها ايش تتوقعون حال يبكي عندنا وفي الرياض وش سوت غاليتي والله كنسلت الفستان واكتفت بفستان اختها اللي تزوجت قبلها باربع سنين وماحد لاحظ ابد الا الكل يحسبه جديد ومن عند اشهر المصممين
يلناس حرام ياحريم حرام
يقول المصطفى(وعن ماله فيما افناه )
والله عندي الامكانيه اشتري على كل لبس شنطه بخمسه الاف لكن الله ماشفناه بالعقل عرفناه لعبوا علينا اليهود والنصارى وقالوا ماركات
بس فيه معقول وفيه جنون
وحده زوجها ربي منعم عليه مصانع وشركات ومدارس دخله الشهري الصافي مليون ريال
تقول لي يوم رحت اخيط لزواج اخوه ب(15000))ريال قال والله ما اسامحك يوم القيامه تعبي وشقاي يضيع في خرقه والله مو بخل بالعكس القصر والخدم والسواقين والسفر لكن بالمعقول
حتى الرجال مايحط قيمه للحرمه المسرفه بجنون
فيه ناس رواتبهم على الفين وثلاثه لمن يسمعون الارقام الفلكيه تجيه الحسره والقهر
وبعدين من قال الرياض غير ؟
انا عشت في الرياض وجده مااخس من قديد الاعسفان.

والله انهم يضحكون علينا بالخلاقين حقتهم والمصيبه نشوفها كشخه ولو بلاقي نفس اللبسه بمحل عادي ماتعجبني:humm: اهم شي ادفع شي معقول ويناسب ميزانيتي وشكلي ومهوب لازم اصير مثل فلانه وزعطانه


واهم شي مدور رجلينكم على قد لحافكم

**اللهم أعنا على ذكرك وشكرك وحسن عبادتك**
الحمدلله على نعمة الصحة والعافية

صادقه والله لازم تشترين فوق مبلغ معين لكل دوله .
والله اني داخله محلات الماركات العالميه (الشنط) باوروبا واني طالعه وان كذا من غلاء الاسعار:30:

بعدين سعر الماركه واحد باي دوله وابقولكم مثال :
شفت على صديقتي تيووور فخم وانهبلت عليه قالت اني جايبته من تايلند تتوقعون بكم؟
بثلاثة الاف ريال قلتلها وين الرخص اللي الناس يقولونه قالت لا هذا من الماركه الفلانيه عشان كذا غالي ولا التنانير اللي يبيعونها بالشوارع هي اللي رخيصه مررره.

بالنهايه انا درت عدة دول واقتنعت بالاخير ومن خلال تجربتي ان اسعار الماركات متقاربه بجميع البلدان سواء الاوروبيه ولاالاسيويه باستثناء زيادة التاكس.
شكرا لكم