شاركي في النقاش

سجلي الدخول لإضافة تعليق.

التعليقات

65
  1. @mari_obs

    ياقلبي قالوها زمان رجلك على ماتعوديه
    انتي عودته انك تكونين عبده وبدون شخصيه وحتى من طلقك رجعتي بدون شروط وكانك ماصدقتي انه رجعك
    زوجك تصرفاته معك ترفع الضغط بس رده فعلك انتي تجلطني
    الحرمه معروفه انها ملكه بيتها ليش تخلينه من الاول يتحكم فيك وبشغلك بالبيت
    هو واضح انه مو مرتاح لك والسبب فيه نو فيك انتي بس بصراحه حياتكم مره ممله مافيها اكشن عايشين مع بعض سي السيد والشغاله ماكانك زوجه حتى من مرضتي ماشرالك علاج وهذا ان دل على شي يدل على انه انسان عديم التربيه وهو طلقك لانه تعود منك على السمع والطاعه فرده فعله الطبيعيه الطرد نفس الشغاله اذا رفضت تشتغل تنطرد
    المهم اذا تبغين ترجعين له اول شي لازم توقفينه عند حده وترجعين تغيرين من اسلوبك معه وتعلمين ابوك انه طلقك ولو صار ويبغى يردك لاترجعين الا بشروط
    ترى انتي لو من المره الاولى حقت المشكله فهمتي اهلك على حركاته وانتي فرضتي شروطك عليه كان تغير بس شافك ساكته فقام هو يتشرط عليك وانتي زي الهبله وراه
    حطي في بالك الرجال مايحبون الشخصيه الي نفسك يبغون حرمه دمها خفيف وذكيه وعندها شخصيه
    وانتي فكري فيها عمرك شفتي حرمه شخصيتها قويه ومتعذبه مع زوجها والا زوجها يتحكم فيها بالعكس تلقينه بدون شخصيه وبكيفها يمشي

    انا بصراحه اشوف انك تقعدين عند اهلك وحتى لو مارجعك الا بعد شهور ابدا لاتبينين له انك ماصدقتي قولي مابغا ارجع والله ليقعد هو يطرد وراك ووقتها اثقلي واشرطي
    اهم شي استخيري وبصراحه حتى لو مارجع او تزوج غيرك العيشه معه مالها طعم ابد ويمكن خيره لك
  2. @zogy_aasl

    الاخت الرابعه
    دام أنتي مو مرتاحه معه وكارهته ليش تبغين ترجعين أذا علشانك بنتك ترى بنتك مرتاحه وأنت متطلقين لأنكم بس هواش بالعكس يمكن تتعقد ويمكن ترجعين وتجيبي عيال وبدل مايكون عندك وحده يصيرون مجموعه ووقتها صدق يصير صعب الطلاق عيشي حياتك وبنتك راح تعيش …
    اسمحي لي غلطتي ف الرد وقت الغضب يااختي دائما لما يكون هومولع انتي اهجدي مايصلح تراددين وقت غضبه
  3. @im_tired

    لازم تحددين اولوياتك .. صراحه مع ان زوجك غلطان بس من كثر ما انتي كل همك عباة الكتف حومتي كبدي .. فيه اشياء مهمه وتقولين ساكته عنها لمن سبحان الله عباة الكتف ما عرفتي تسكتين عنها !!!!! ... تحتاجين تجلسين جلسه مع نفسك وتغيرين منها .. عنادك .. زنك على اشياء تافهه .. ردودك المستفزه ... عصبيتك .. عودي لسانك على الذرابه وكيف تتعاملين معاه بانوثه بتاخذين كل اللي تبين اما المناطح ما راح تاخذين منه الا اللي صار لك الحين
  4. @roooma_1

    بالنسبة لموضوع العباية مايسوى تكبريه احتسبي لبسها لله مو ارضاء لزوجك وربي بيعلي شأنك ويرفع درجاتك

    مشكلتك شخصيتك قدامه ضعيفة وهو اتعود خلاص
    يرميك بيت اهلك وترجعي تراضيه
    تسكتي عن حقوقك ونواقصك وبنفس الوقت تقومي بحقوقه

    لازم تتغيري من داخلك وابوك قولي له كل شي وقولي ابي ارجع بس اذا هديت الامور وجاء هو بنفسه لانه اللي طاردني مو انا

    ربي يسخر لك الخير ويرضيك فيه
  5. @dloooaah_aaalm_hoa

    وعليكم السلام ورحمة الله

    اختي موضوعك فيه نقاط
    موضوع العبايه ومقارنتك مع اخته

    واهماله لك ثم اهتمامه ورجوع اهماله

    وعصبيتك وعصبيته وشخصيته المنفره

    اختي اولا العبايه اتركيها لانها صح ماتجوز ولاتدخلي نفسك بدوامه ويكون هواش بسببها تعوذي من شيطان انسي انه قالك البسي عبايه راس وكانك انتي لبستيها من نفسك ولاتفكرين ان هو اللي قال وشيطان يحرضك عشان زوجك يتامر عليك

    اهماله واهتمامه اقعدي معه وناقشيه عن سبب استعدل كان بها ماستعدل عطيه حقوقه وعيشي حياتك
    زعل راضيه حتى لو انه غلطان حتى تدحري شيطانه لايكبر فقط مو كسر فيك .. فرق بين المراضاه وترجي الرضا وكل وحده اعرف بزوجها كيف تراضيه

    ماجاب لك الدوا طيبي او اي شي قدميله شي يحبه وبيني انك مهتمه اكثر منه واطيب منه بطيب نفس وقولي اللي تبينه منه مصر مايجيب عاتبيه على انه ماجاب باسلوب الله يسامحك ومن هالكلام صدقيني بينحرج من نفسه

    الخين مادامك تطلقتي خبري ابوك وامك بنيه رجوعك دامه مايضربك ومحافظ ع دينه واخلاقه يقولك امسك مجنونك لايجيك اللي اجن منه

    وخبري ابوك بالامور اللي تشوفينه تضمن رجعتك وتحفظ كرامتك لاتزودي بامور تكبر سالفه ويفرق بينكم حتى لو انه حصلت يعني سوي قص ولزق حتى تكون سالفه قويه للرجوع وحفظ الهيبه

    اخيرا لاتتركي دعاء وتقرب الى الله

    والله يكتب لك الخير

تابعي تجارب أخرى من هذا القسم.