الله ياخذ زوجي .. الله يلعن زوجي .. حسبي الله عليه

سبحان الله ..

حتى النصيحه ما احد يتقبلها !!

اللي بتدعي تدعي من هنا لين يوم الدين بسلامتها ..

هذا اللي يخلي الواحد ما يحب يتكلم ولا ينصح ..

فيه بنات وحريم لو بس قلنا لهم بأسلوب حلو ترى هالشي ما يصلح نشبت بحلقك ..

ما اعتقد إن كلامي فيه خطأ أو مناقض للشريعه أو فيه تعدي على أحد ..

الحمدلله الذي عافنا مما ابتلى به كثير من خلقه وفضلنا على كثير مما خلق تفضيلاً ..

استغفر الله

وش هالحقد...خلاص الرجال ميت وعند ربة وهي تلبعب بفلوسة وتدعي عليه....حقدها دفين

فيه حريم يجون حقودات ويشيلون في قلوبهم لو 100 سنة كأنهم بعارين


لازم الوحدة تصفح وتنسى خصوصا إذا كان متوفي ...وين الرحمة..

وبدال ماتدعي عليه تدعي له بالهداية والصلاح وتعود لسانها على التهذيب

احس اللي متعودة في حياتها مع اهلها على الدعاوي الشينة يصير قلبها قاسي


انا زوجي فية تصرفات كثيرة تغيظني ومسيئة جدا وازعل..بس مستحيل ادعي علية ولا على غيرة

ادعي بالهداية والصلاح

والله من الفضاوه ياصاحبة الموضوع
ياقلبي الوحده ماتدعي على زوجها منا والطريق 
تقولي انتي عندك مشاكل اوك يمكن ماوصلتي لدرجة اللي تدعي 
انا مع كل وحده تدعي على زوجها اذا يستاهل الدعوه لان احنا يامعشر النساء مضطهدات لا مجتمع ينصفنا ولا اهل ينصفونا 
فمالنا غير ملك الملوك نسنتجد بيه وندعيه 
الوحده ماتدعي الا مظلومه ولا مقهوره ولا مضطهده
خلك مع نفسك وبطلي فلسفه استفزني موضوعك اللي يده في النار مو زي اللي يده في المويه 

انا اعرف وحدة زوجها زنا بعد ماتزوجها ودخل حريم ببيتهاولاتقولون مقصرة ماقصرت تلبس وتتشيك بس من شب على شيء شاب عليه ولايصلي ويستعمل ممنوعات
ويضربها على اتفه الأسباب اذا طالبت بحقوقها هي وعيالها ويسهر ويقعد فوق اليوم برا
ولايعطيها نفقه وسرق فلوسها ويسب أهلها
رغم أنها تطبخ وتنفخ ولا يعجبه ولاقدر ولايحشم ولايطلعها الا بالحسرة

قهرها وحسرها وراح عمرها مع واحد مثل هذا خادعها وخاينها وضاربها وشاتمها وهاينها وحابسها
في رأيك بتدعي له ولابتدعي عليه من حصل شيء يستاهله والخيل من خيالها ومن طاب طاب لنفسه الطيب بتذكره زوجته بالخير واللي مقصر بشيء بسيط ماوصل لمواصيل زوج اللي اعرف ماراح تدعي عليه بالموت