بنات اذا كلمت الزوجة زوجها عيب !!! ساعدوني

اسمعي نصيحتي انتي لا تتصلين عليه واذا اتصل عليك لاتردين على اول مكالمه ردي على 2 مكالمه افضلك علشان مايحس انك متلهفه للمكالمات وتحبين الحركات وخليك خجوله بس مو مره والله الموفق

يالللللللله يا بناااات وش فيك
هذا زوجك لازم تكلمينه وتتفاهمين معه وتتعرفين عليه افرضي انه ما طلع كفو واتزوجتيه وتوهقتي يالله وش هذا 3 شهور متملكه ولا كلمتيه
وبعدين وشلون يقولولك خلك ثقل تصيرين ثقل على زوجك كلميه واتفاهمي معه بكل شي اعرفي افكاره وخليه يعرف افكار وبلا ثقل بلا خرابيط هذا مو اي شخص هذا زوجك

ثانيا:

انا ضد الاخت هي ما توهقت ولا شي وفتره الملكه فتره تعارف وعادي اذا مشى الوضع مشى واذا ما مشى تفك ملكتها وعادي ولا فيه تاثير عليها وليه تتوهق؟؟
اهم شي انها بكر وووو
ولكن يا حبيبتي نصيحه كلميه وكثري مرررررررره مكالمات ولكن لاتطلعين معه نصيحه مجربه لا تندمين بعدين اذا ما قدرتي تكملين وانتبهي الاشياء الخطاء تصير بينكم وبعدين هذا زوجك وله حق عليك تسلين عنه ويسال عنك وتشوفينه بحدود المعقول وبمعرفه اهلك
الله يوفقك حبيبتي لما يحب ويرضى واذا فيه خير يكتبه لك قولوا امين

ضحكتني كلمه ..( وش هالخفيفه اللي اهلها مخلينها تكلمني )

ذكرتني باللي تزوج ودخل على زوجته ليله الدخله رمى لها الرقم وطلع

فرررررق بين الحلال والحرام فرق السما عن الارض .. وسبحان من حلل الحلال وحرم الحرام

هذا زوجك اهلك معطينك له حلاله بلاله .. فاهمه وش يعني حلاله ... يعني انتي حقته وكل شي فيك له

وتقولين يقول خفيفه .. اجل اهو متزوجك ديكوووووور ؟؟؟

وهذي مكالمات تليفون بس .. ماحد قال اطلعي معاه واخذي راحتك << ولو اني اشوفها عادي ..

بس ترجع للعادات .. ولو عاداتك ماتسمح ماعليه خلك معها مافيها شي

بس لو اتصل .. حرام عليك تطنشينه كذا .. الوحده كم مره في حياتها تنخطب .. ليش تفرطين في هذي

الفتره اللي هي من احلى فترات الحياه بالنسبه للزوجين .. فيها احلى ذكرياتهم .. حتى لو فيها شلخ

ونصب شوي عااااااادي ... بعد ذكرى تتحرشين بها فيه بعدين وتسوي لكم شويه اكشن .

ومع هذا مافي مانع من الثقل وحركات الدلع .. .. بس يعني حركات كذا ..

بس مو تحقرين الولد وتبطين كبده

وترى شباب هالايام يالله بسبه .. اذا حرمتيه راح دوره عند غيرك ..

ماعندهم استعداد يحرمون نفسهم من اي متعه يقدرون يطولونها ..

ومثلك ابخص . <<< تخوفها

انا من اللي اشوفه حوالي رأي من رأي الاخت العذوب

عايدي كلميه بس بحدود واكيدفاهمتني