زوجي زعلان ولا يطالع في وجهي حتا سلام اسلم واهو
جالس بلصاله مايرد علي والسبب قبل فتره مرضت اختي
وطلبته يوديني اسلم عليها ووداني هلكلام من اسبوعين
وامس مرض ابوه وقالي تجهزي بنروح نسلم علا ابوي
وقلتله ماقدر اروح يابنات ام زوجي متوفيه وابو زوجي
متزوج حرمه غثيثه ماتحبني ولا تحب عيالي دايم تطلع علي
كلام وتكرهني وتدقني بلكلام وماتحترمني قلت ابوك
علا عيني وراسي احبه ويشهد الله اعتبره زي ابوي
ماعمره زعلني بس زوجته ماتنطاق وقويه وماحد يقدر
عليها وقال زين انا باخذ عيالي واروح وانتي خليك
في البيت ومافيه لاطلعه ولا روحه معاي بعد اليوم
واخذ عياله وراح ومايكلمني وش الحل ليش دايم همه
اهله وماهمه كرامتي الي كل مارحنالهم تغثني بكلام
يسم البدن وانا احترمها علشان عمي لايزعل علينا
حتا اهلي قال والله ماخليك تروح لهم يعني بيحرمني
من امي علشان خاطرهم حسبي الله ونعم الوكيل ضايق
صدري من هلموضوع وراسي يعورني
شاركي في النقاش
سجلي الدخول لإضافة تعليق.
التعليقات
19- مالومه تحملي كلها كم ساعه عشان خاطر زوجك وتقولين ابوه طيب معاك ليش تقدمين الردى له معه حق يزعل زيارة المريض واجب فمابالك ابو زوجك منك وفيك
الله يهديك - كنتي رحتي على السريع وخلاص وماعليك من زوجة ابوه
- تستاهلين انتي غلطانه اجل ابوه تعبان وماقصر وداك اختك وجبتيها ويوم جا على ابوه ترفضين ليه كلها ساعه لو انتي ذكيه كان رحتي وقلتي مانطول انت خابر زوجة ابوك اعتذري منه واخذي قهوة وزوري ابوه وان شاءالله ربي يهديكم
- صراحه انتي غلطانه
الروحه لاجل ابو زوجك مو لسواد عيون زوجه ابوه
معاه حق يزعل!! - شوفي اسلوب زوجك مايعجبني ، مايمشي عندي اسلوب ياتسوي اللي يعجبني ياأنكد عليكي مو بزورة احنا
،،
بغض النظر يحق لك تتجنبي اي موقف ماتكوني مرتاحة فيه ، او تتجنبي تواجدي بمكان فيه شخص يستفزك ويطلع أسوأ مافي شخصيتك
بس بأوقات المرض والعزا والمصايب الواحد لازم يحط كل الخلافات على جنب ويقوم بالواجب عليه تجاه اسرتو ..
أتمنى وجهة نظري تكون واضحة
مواضيع مشابهة
تابعي تجارب أخرى من هذا القسم.