ارسلي انتي طالق بالواتس

السلام عليكم 

رجعت لكم بعد طول غياب والله مادري وش اكتب تعبانه بالحيل
مرضاانه صدق
قبل فتره طرحت مشكلتي مع زوجي وتقصيره واهماله
وزعلت وبعدين رجعت بس للاسف مافي تغير ابد ابد
نفس ماهو نفس الطبع والاسلوب تعبت مرضت
اخرتها اليوم بنتي الصغيره قفلت على نفسها باب الغرفه بيت اهلي
وتصارخ وتصيح وماعندنا رجل وادق عليه فوق 40 اتصال صرت كاني مهبوله
وانا اسمع بنتي متروعه ولايرد وهو رايح ومخليني عند اهلي من 6 ايام 
يقول كاشت وبالنهايه اكتشف انه بمصر الاخ ولايكلم ولايرسل
وبعد مارد يقول ماسمعت الجوال ويهاوش ويسب ويقولي خسيسه
ولاتطمن ولاسال عن بنته بس ليش ادق كل هالاتصالات
الحمدالله اخوي جاء وجاب عامل بعد ساعه ونص وبنتي مسكينه
تطلع ايديها من تحت الباب خايفه وهو ولاهمه انا جتني نفاضه وروعه
وهاوشته بالواتس وقعد يلعن فيني ويسب ويقول عاجبك ولانقلعي ومالك دخل فيني
ارسلي انتي طالق خذي بناتك ولاتزوجتي باخذهم منك
انا ماني زعلانه ولاعندي احساس باي رده فعل عادي احس تبلدت
وقلت الي يجي من الله زين

الي مايعرفون وضعي انا متزوجه من 6 سنوات عندي بنتين
وزوجي مهمل قاعده فبيت فاضي مابه اثاث غير المطبخ وفرشه بالصاله وغرفه النوم وماعندنا ظواليب حتى وتي في ونت ملابسنا بشناط اقسم بالله زوجي مقتدر بس يحب نفسه اهم شي كل شهر يسافر بلاد غير
منحجرييين لاطلعه ولاسفره مايقعد معانا ع الاكل من 3 العصر الى وقت نوم برا البيت والله مااشووفهولايرجع الا الصبح ثاني يوم تقصيير بشكل مو طبيعي

74 تعليق 12,887 مشاهدة

شاركي في النقاش

سجلي الدخول لإضافة تعليق.

التعليقات

72
  1. @kyodd

    الله يعوضك في بناتك . ولي مثله فراقه عيد.. ماعليه انتي رددي حسبي الله ونعم الوكيل بكل لحظه.. والحمدلله الطلاق مو شر ولا نهايه الحياة.
    اختي تطلقت كان ظالمها بكل شي.. وتطلقت ارتاحت كل ماتذكرته تقول الحمدلله إني تركته . الحين يمشيلها ظمان ومقطوعه ومريحه راسها.

    اهتمي بنفسك وبناتك وانبسطي مع اهلك. وصلي قيام اليل وادعي لنفسك بكل خير.
  2. @fj

    اعوذ بالله من بعض الرجال دامه مقتدر ليش ما يحط لكم اثاث بدل السفريات هذا مو حق زواج ومسؤليه والحمد لله ربي فكك منه هو كم عمره
  3. @oathkh_gda

    قلعته اللي مايخاف من الله. ...ياحياتي الله يعوضك ويجبر بخاطرك 
    ويخلي لك ضناااك. ..الحمدالله الله فكك منه. ..
    وهذا قضاء الله وقدرة. ..وعيشي لنفسك وعيالك والباقي. طزز 
    وعليك بالاستغفار والدعاء وربي ماراح يخيبك...

تابعي تجارب أخرى من هذا القسم.