صباح الخير يا أمهات
بنتي عمرها سنتين ونصف وليم الحين ما قطعت الحفاض ، مع العلم إني أوديها الحمام (وإنتو بكرامة) باليوم أكثر من 6 مرات من كان عمرها 11 شهر .... أكيد راح تستغربون ... بس ليم الخين ما تقولي إلا لم تخلص شغلها بعدين تقول ماما بسوي (مو سويت) ولم أوديها تكون مسوية بالحفاظ وتقولي ماما أنا أبي أسوي بالحمام وهذي حالتي معاها......:11:
وعلى فكرة لم أوديها الحمام بروحي أقعد معاها تقريبا 20 إلى 25 دقيقة وما تسوي شي ، لكن بس ألبسها pull-up أو البامبرز بعد 5 دقايق تسوي فيهم :06:
أتمنى إنكم تساعدوني وتخلصوني من هالمشكلة لأنها شهر سبتمبر راح تدخل المدرسة ( بنتي كانت في الحضانة وحاولو معاها بس ماكو فايدة ) وطبعا ما يرضون مع الحفاظ......:29:
وأكون لكم شاكرة وفي إنتظار الرد :44:
شاركي في النقاش
سجلي الدخول لإضافة تعليق.
التعليقات
25- صباح الخير
ليش ماكو أحد إساعدني في التخلص من المشكلة الكبيرة إلي أتوقع إنها تخص أكثر من أم......
بس هم راح أنتظر يمكن أحد إحن علي ..........
في الإنتظار - :(ام راويه يا عمري انتي .. نفس مشكلتي والله ..
نفسسسسسسس المشكلة بالضبط .. الفرق ان ولدي عمره 3 سنوات ..<<<<<<<< يادي الفشيلة ..
مشكلته انه مايعرف يعمل شي الا لما يكون واقف .. يعني قدرته في التحكم في عضلات تضعف لما يكون جالس عشان كذا لما اجلسه بالحمام ما يعمل شي .. حتى لو كانت المدة طويلة احيانا ساعة كاملة ( افتح باب الحمام واقرب التلفزيون بحيث يشوفهوهو جالس مكانه ) ومع هذا ما يعمل شي وبمجرد ما البسه الحفاظ يعملها في اقل من 10 دقائق :11:
المهم قررت ازيل الحفاضه عنه طول اليوم واخليه بالملابس العاديه .. والهدف عشان يحس بالقرف لما يعملها على حاله ويعرف كيف وسخ الارض ووسخ ملابسه .. وفعلا نجحت الطريقة هذي في ان تعمل لديه حافز للذهاب الى الحمام والرغبة في قضاء حاجته هناك ...
صار يجيني .. يقول ماما حمام ... بسرعة بسرعة .. .. وبأسرع ما يكون اوديه الحمام واكتشف انه عمل البداية في ملابسه .. ويكمل البقيه في الحمام .. ( تحسن واضح :55: )
لكن كما قلت لكي كل مره يعمل البداية في ملابسه .. ويوسخها .. وكنت اعاقبه لما يعمل كذا بأنه يوقف دقائق في ركن من البيت .. وطبعا صار يحرص يعملها في الحمام لانه يكره بشدة العقاب ..
بعد كذا شفت ان المسكين مش قادر يتحكم في عضلاته بشكل جيد وانا بصراحة افقد اعصابي لما يوسخ ملابسه او البيت.. وعشان ما اظلمه واقسو عليه رجعت له الحفاضه مع متابعتي له وعقابه يعني خليت الحفاظ كأنه ملابس عادية اخلعها لما يجي وقت قضاء الحاجة ..
والى الان ما بعد يستغني عن الحفاظه بشكل كامل لكنه تحسن عن أول ..
الله يعينا ويعينك اختي ونجتاز هذي المأساه بسرعة
واتمنى من بقية الاخوات يفيدونا بتجاربهم - مشكورة حبيبتي صباح النور
ريحتيني إنج رديتي علي .... وراح أجرب معاها الطريقة هذي وإنشاء الله تنفع معاها .... بس وايد أحاتي الطهارة والنجاسة في هذه الطريقة ..... وإنشاء الله أسمع حلول ثانية من الأخوات الأمهات. - تسلمين يا ام راوية على الرد السريع ... بس نسيت اقولك .. انه في الفتره الي اشيل الحفاظه عنه .. البسه ملابس خربوطة .. يعني من ارخص ما اشوف .. .. وأشيل السجادات عن الارض وابقي السيراميك .. وما اسمح له يجلس على الكنبات .. مخصصة له كرسي خاص ومن حسن الحظ انه يحب هالكرسي لان حق اطفال .. او احاول اني اقضي معاه فترة اطول بالحديقة نلعب سوا ونسقي الزهور .. وبكذا اطمئن انه ما ينجس البيت
وطبعا متحصنه بكمية من القفازات الي تستعمل في المستشفيات عشان اقدر اقوم بالتنظيف من غير ما اوسخ ايدي. - انا لسه معلمه بنتى وافضل شئ تشيلين الحفاظ نهائيا وفي الطلعه استخدمت كلوتات من هجيز تستخدم مره وحده ولما تروح للتوليت وتسويها اعطيها شكولاته صغيره اوعلكه تشجيع لها
ولاتنسي لما تسويها على نفسها لاتتضايقين واعتبريه جزء من التعلم
ويبيلك طوله بال ولاتنسين في الليل تودينها للتوليت وهي نايمه لمل تحس بالمويه راح تسويها
وهدا افضل وقت لانك بالصيف
:17:
مواضيع مشابهة
تابعي تجارب أخرى من هذا القسم.