الي تدور السمنه وبابسط حل للنحافه

سلام عليكم ورحمة الله وبركاته
مسهم يارب بالخير والنور والسرور يالله حيهم
ماالكم بالطويله
طبعا انا عانيت من النحافه يادافع البلا من انا صغيره واهلي مدلعيني ومعوديني علا الاكل اللي مامنه فايده ولا سنع ياربي لك الحمد يعني كان كل عيشتي ويومي فطوري وغداي وعشاي شبسات وفشافيش ولا ايت شي مفيد اكله
الزبده كبرت علا هالشي ولا عاد صرت اتقبل الاكل الصحي وصرت نحيفه زي المسواك وكل من يشوفني انتي نحيفه ازعجوني وابتلشت
في البدايه حاولت وغصبت نفسي على الاكل الصحي قد مااقدر احاول اكل يعني لحم دجاج مكرونيات والحمدالله بس برضو ماسمنت لحول جسمي مايمتص والشهيه لك عليها
ماخليت شي ماجربته من حبوب من خميره من منفخات من خلطات فلست ورحت مستشفى وسوو لي فحوص قالو سليمه وعطوني حليب مكمل وكان عندي نقص بسيط فيتامين دال وعالجته حمدالله وبرضو ماسمنت جلست ابحث وادور وماش
لين وحده من خوياتي الله يسعدها ويوفقها ويفتحها بوجهها اسولف معها قالت تصدقي كنت نحيف نحفس واكثر طبعن وزني انا ٤٩ وشفت جسمها قالت لا مستحيل وش سويتي ماشالله عليها جسمها الي يسمونه الجسم المثالي قالت ابد السالفه ومافيها اكل ( سمسم ) ايه سمسم
رحت العطار وشريت سمسم نص حمصه زي ماقالت لي وكل بعد وجبة اكل تاكلين فنجال قهوه سمسم وخلال شهرين ياربي لك الحمدالله ماشالله تبارك الله وزني الان ٦١ وكلن يسال عن هالجسم بسم الله ماشالله ومحد مصدق وكله بس السالفه سمسم
اخر شي قلت لازم اشوفلي حل
طبعن معروف السمسم مليان دهون تنفخ واللي عندها كليسترول ولاشي ماانصحس اللهم بلغت اللهم فاشهد
واول شي تسوينه عشان تبين تسمنين لازم تسوين تحاليل بالمستشفى يشوفون المعده تمام والغده تمام وفيتمينات الجسم تمام اذا كلها تمام ولا عليس خلاف زي ماقالو توكلي علا الله وطبعن لاتنسون العامل الوراثي له دور بالنحافه ذي كلها لازم تتعالج والنفسيه لازم تكون تمام التمام والنوم وان شالله مانسيت شي اي استفسار
وبس فمان الله


الراس ما ينحني الا لمولاه 😏