عندي غدا الجمعه ساعدوني😰

سوي مندي و محاشي كوسة وبادنجان وفلفل رومي و صينية بطاطس
المحامشي من الليل أحشايها وحطيها بالثلاجة
عندي ثنية خضار تقطعين مربعات صغيرة بطاطس وكوسة وبادنجان و ًجزر و فصولية وبصل جوانح وأي خضار تحبينها تقلي كل نوع لوحده
وبعدين تجيبي دجاج مفروم تحمسينة بدون زيت بعدين تجيبي الخضار المقلية وحطيها الدجاج وتلقيبها مع بعض وتحطي معها بهارات وملح
بعدين تحيطها في بايركس وحطي ع الوجه قشلة وجبنة وتحميها في الفرن بس تأخذ لون

ايدام الكباب

لحم مفروم مع بقدونس وشبت وثوم وبصل وملح وبهارات وكاري بالخلاط

بعدين نكورهم ونحطهم بقدر يكون مايلصق ونغطيهم على نار هاديه لحد مايتغير لونه اذا حابه ادهني القدر بشوي زيت بعدين نقطع عليهم بصل وطماطم وفلفل رومي وصلصل وشوي مويه ونخليها تطبخ شوي لحد ماتنضج ونزينها ونقدمها مع الخبز هذا طبق جانبي 🍴

روووعة جزاكم الله خير

شوفي حبيبتي اول شي لازم تحضرين كل شي تبغينه وتقولين لنفسك انا قد التحدي 
وبعدين المهمه سهله حبيبتي 
اولا الحلى : سوي حلى الكاسات اجمل وارتب وسوي كذا نوع وفي الثلاجه قبلها بيوم
ثانيا : الصواني اسهل صواني الخضار اقليها وعلى منخل واغسليها بالبخار عشان تخف كمية الزيت وحطيها بالصينيه وفي الثلاجه اليوم الثاني طلعيها وحطي عليها زيادي ومايونيز وبيضه اختياري بس انا احطها وملح وبهار وحطيها عليها وقطع حلقات بندوره وفليفله وزينيها ودخليها الفرن
ثالثا : الجريش او المرقوق والمرقوق احسن يدام عادي وقطعي رقايق السنبوسه وحطيها عليه عشر دقايق الا ربع ساعه وهي جاهزه
رابعا : الرز لما تنقعينه حطي عليه ليمون او خل يخلي الرز متماسك
خامسا : نظفي الدجاج من اليل عشان يسهل عليك الشغل وحطيه بالثلاجه 
سادسا : الفواكه جهزيها وحطيها على السفره او طاولة البوفيه من بدري
ثامنا : العصرات والمويه حطيها بدري مع المناديل والملاعق والسكاكين >> البلاستيك ازين وانا اختك :)
وتاسعا : خلطة الدجاج زبادي ومعجون طماطم وملعقه مايونيز وليمون وملح وفلفل وكركم وملعقه او ثنتين كتشب والفرن شي عجيب 
عاشرا : انا اقطع بصل جوانح وابشر جزر كميه واحطها على النار لين ماتصير بنيه مقرمشه واحط زبيب وصنوبر وجوز وكاجو ام في بيت او في الفرن انتي ورغبتك 
اعرف كثرت هرج :) :)
والله يسهل لك حبيبتي 🌹

كشنة تزيين
احمسي بصل حلقات بالزيت لحد مايشقر وبعدين فلفل اخضر ومبشور جزر وشعيرية مكسرة وبازلاء وحطي عليهم بهارات وملح وحركيهم بعدين صبي شوي مويا قليل وخليه يطبخ على النار لحد ماينشف المويا وزيني فيها الرز طعمها روعة
سوي كمان سلطة خضراء عادية
وايدام نوعين مثلا ايدام مشكل بمرقته وايدام مصقعة
الدجاج طلعيه وقطعيه ونظفيه وارجعي جمديه عشان ماياخذ منك وقت في يوم العزومة وموفقه اختي