تعبت من حياتي وشكلي وشخصيتي 😢😢😢

1-حبيبتي قبل كل شي لازم تحافظين على صلاتك لانها بتنور حياتك وبيبان على وجهك
2- بالنسبه لشعرك اذا كنتي تستشورينه الافضل تتركين الاستشوار فتره وابدي اعتني فيه حطي عليه بعد الشاور حمام زيت وزيتيه وقصي اطرافه
3- بالنسبه لشعر جسمك قبل ماتنتفين امسحي المكان بمسحة طبيه وحفي وبعد كذا ارجعي امسحيه بمسحة طبيه ليش؟! عشان لما تنتفين ماتدخل الجراثيم وتسبب لك حبوب واذا عندك امكانية تسوين ليزر للشعر افضل وذا ماعندك امكانية خذي ترمس مر من العطار واطحني مقدار نص كاس وحطي عليه كاستين ونص مويه حاره وخليه يتنقع اقل شي 6 ساعات وصفيه وخذي مويته وحطيها بعلبة بخاخ وبعد الحف رشي على جسمك وخليها لحد ماتنشف 3 مرات باليوم لمدة اسبوع وبتلاحظين الشهر الي بعده ان شعرك بدا يخف ان شاءالله
4- سوي صنفره لجسمك كل يوم تحممي واستخدمي صنفرات للجسم وافركي جسمك ويدك فيها
5-بعد الشاااااااور رطبي جسمك لااااازم الترطيب عشان ينعم بشرتك ويفتحها وتخف الخطوط..
6-المنطقه الحساسه بعد كل حمام وانتي بكرامه جففيها بالمنديل والاباط استخدمي بيزلين لتفتيح الابط جميييل وكمان من نفس شركة بيزلين صابونه للجسم مو غاليه حييل رخيصه ونتايجها حلوه
8-شفايفك سوي لها صنفره خذي سكر وموية ورد وافركيه بشوي وقبل تنامين حطي عليها فازلين
9-يدك رطبيها ولاطلعتي بالشمس حطي واقي
10- وجهك خذي له صنفره خاصه فيه والرؤوس السودا سوي هالقناع لها (ملعقه طعام جيلاتين شفاف واخلطي معه ملعقه طعام حليب سايل اخلطيها وذوبيها بالمكرويف 10 دقايق ودهني فيها وجهك والخشم اول ماتنشف شيليها بتشيل لك بلااوي اهم شي شيليها بشويش مو تغسلين وجهك قبل تشيلينها
11- ابتعدددي عن المشروبات الغازيه او حاولي تخففين منها بشكل كبير واشربي موية كثيييييير
12- اهم نقطه اهتمي ثم اهتمي ثم اهتمي باكلك الصحي حاولي تسوين ريجيم مع رياضه عشان مايترهل جسمك
13- حاولي ماتزرعين فكرة الخجل الزايد براسك كوني واثقه من نفسك واقري قرآن وكتب ثقافيه وقصص وتجارب لغيرك ...
اتمنى اكون افدتك بهالنقاط ☺️

وينكم بنات ؟؟؟؟!!!

هلا حبيبتي

حبيبتي انتي بعد صغيره وعندك فرصه اكبر للاهتمام الموضوع يحتاج عزيمه واصرار
المشاكل اللي عندك بسيطه بس اهتمام مستمر وتتغيرين تدريجيا
البنات ماقصروا

انا نصيحتي لك اولا ابداي مع الله

الصلاة يااختي راحة وسكينه ونور للوجه المحافظه على الصلاة وقراءة القران وقيام الليل شي عظيم تحسين بنشاط
وراحة نفسيه لاتستهينين فيهم جربي شهر وشوفي التغيير المفاجئ بحياتك >> تابعي برامج الشيخ مشاري الخراز روووعه
مواضيع عن التفاؤل ومن هو الله كيف نتغير ......الخ


الشي الثاني
اهتمي بالغذاء انتي في مرحلة نمو وعندك وقت لزيادة طولك باذن الله استغلي هالسنوات قبل توصلين العشرين
كثري من الزبادي والسلطات الفاكهة العصيرات الطازجه زبيب بنجر جزر برتقال الخضروات الخضرا فيها نسبة كالسيوم عاليه جربي تغيير نظامك الغذائي كل شي رح يتغير فيك

لمعة الشعر ونموه تفتيح البشره بريق العيون ....

الماي مهم جدا اشربي لترين وركزي عالماي الدافي واشربي من كاستين الى اربع على الريق مع عصرة ليمون

الخطوات اللي فوق اهم شي بعدها سوي خلطات للشعر والجسم ولاتتكلفين ابداي بالبسيط وشوي شوي الين تتعودين وزيدي الاهتمام


اختي الحياة حلوة وفيها لذات وانت باهمالك تحرمين نفسك من لذاتها ومن السعاده اللي تجدينها بالتقرب الى الله ثم جمال الروح والجسم

المحافظه على العبادات باذن الله تسهل لك الطريق لتغيير فكرك الى الافضل
الله يوفقك الى مايحب ويرضى