شاركي في النقاش

سجلي الدخول لإضافة تعليق.

التعليقات

87
  1. @violet_13

    انا اتكلم عن نفسي وبدون مثالية 

    عادي واقل من عادي 

    ومشكلتك مو مشكلة اذا حياتك سعيدة ويحترمك اهم شي وخليكم واثقين من انفسكم والناس بالطقاق 
    اهم شي مايضرب مايشرب مايصلي مايخون 

    شوفي الايجابيات وفتحي عيونك
    والسلبيات غمضي عيونك عنها 

    علي بالك الي عندها زوج اطول منها كلهم مستانسين 

    حطي قاعدة في راسك
    كل بيت فية مشكلة وهموم وحزن بس الذكي الي يفكر ان الدنياء فانية 

    وصديق زوجك الي تقولين ملثمة وتمشي معه 

    تدرين كيف عايشين 

    يمكن وحدة من العضوات الي تشتكي هنا؟؟؟؟


    مو كل وحدة طلعت مع زوجها مستانسة بعضهم تروح بهوشة وترجع بهوشة !!!!
  2. صاحبة الموضوع
    انا عارفة اكيد لازم التأقلم بس الصراحة أحيانا تجيني نغصة أحس بالنقص أحيانا احس بالاختلاف كل الناس وحتى الحيوانات وانتم بكرامة الذكر أكبر من الأنثى إلا أنا أحس نفسي ضخمة عنده مو بس طول حتى الأكتاف اللي هي من مواصفات الذكور هو مرررة صغيرة عندي وحتى عرض الصدر الشكل الكلي والله يابنات مرة متضايقة حتى خواتي مرة يعلقون يقولون أقدام زوجك مرررة صغار انا سويت نفسي عادي بس والله من جواتي انكسار ودموع مكبوتة 😟😭
  3. أولا صح الموضوع يضايق بس مو للدرجه اللي انتي وصلتي لها أبد
    ثانيا شوفي بقولك شي، شفتي هذول اللي في السوق والمستشفى واللي ازواجهم طوال او اطول منهم ؟ تعرفين كيف عايشين ؟ تعرفين ازواجهم مريحينهم ولا مطلعين الشيب في روسهم؟ يجيهم عيال ولا لا؟ وانتي هاللي ما اعجبك طوله يعاملك احسن معامله زي ما تقولين وطيب ومايقصر.. بس هذا اللي يهم والله العظيم مافيه زي راحة البال والمظاهر والشكليات والله ما تجيب لاصحابها الا وجع الراس..
    ولا تنسين يا اختي ترى ربي ياخذ ويعطي، ترى فيه خونه وفيه مدمنين وفيه بخلاء وفيه اللي يضربون زوجاتهم ودك انك زيهم بس زوجك طويل ولا مظهره زين؟ اجلسي مع نفسك شوي وفكري باللي قلته.. مافيه رجل بلا عيوب والله مافيه.. والله يا حبيبتي اني كنت زيك لكن الدنيا والله تعلم واللي يشوف مصيبة غيره تهون عليه مصيبته الا بيحبها ويحمد ربه على اللي هو فيه.. الرجال بمعاملته قبل كل شي نصييييحه لا تخلين توافه الامور تشغلك هذا ابليس يلعب براسك.. والله لو كان يصبحك على هم ويمسيك على هم وقتها بتعرفين قيمة اللي انتي فيه ترى ربي يعاقب والنعمه زواله ..
    لا تكونين من اللي يدورون الهم بنفسهم شوفي غيرك كيف عايش بس القي نظره على مواضيع القسم شي يشيب له الراس ووقتها بتعرفين ان مشكلتك اصلا ماهي مشكله.. حطي نفسك مكان زوجة المدمن ولا زوجة الخاين ولا زوجة البخيل ولا ولا ولا ...
    ابن ادم ما يحس بالنعمه اللي بين ايديه الا اذا فقدها.. الله يهدي سرك ويسخر لك زوجك ويبعد عنك وساوس الشيطان
  4. صاحبة الموضوع
    الله يجزاك خير يا أسيرة الروح انتي وكل من رد علي وحاول يخفف عني الله يسعدكم يارب والله اني تأثرت بكلامك وان شالله راح أحاول أركز على الإيجابيات واتجاهل هذا الموضوع
  5. @reema_1413

    اقسم بالله اعرف وحده زوجها لتحت كتفها مررره قصير وهي عملاقه وضخمه .. بس عندها ثقه في نفسها غير طبيبعية والله انه شايلها من الارض ولا يشوف احد مثلها وقطعها مدح ... ونفس وضع زوجم اخوانه خواته وامه وابوه قصار مره وهي وأهلها العكس بناتها واولادها ماشاء الله اجسام وطول .. بس مثل ماقلت هي جدا واثقه وجمالها أقل من عادي بس تعرف لنفسها وثقتها تخلينا مانشوف عيوبها ماشاء الله عليها والحين مع ان عمرها ف نهاية الثلاثين راحت بعثه برا وزوجها اخذ اجازة بدون راتب وراح معها تخيلي

تابعي تجارب أخرى من هذا القسم.