شاركوني برايكم .. وش اسوي بحياة مثل هذي ؟!

تعديل 》》انت الرازق وسواك مرزوق انت القادر وسواك عاجز

اسمعي يا قلبي انتي مطلقه اجلسي مع امك وقولي لها بعد عين ابوي و عينك يا يمه وش بيصير فيني
ساعديني بس عشان مستقبلي بكرا ما اروح فيها قولي كل الي ابيه منك نطلع الصبح كاننا رايحين مواعيد و حنا نروح لضمان

اول شي
كل شهر ينزل لك ٩٠٠ ريال
و فيه كل سنه تطلبين مساعده مقطوعه بشرط يكون مر سنه لتاريخ استلامك للمساعده الي قبلها طبعا تقدمين اوراقك ينزل لك ١٠ الاف ريال << طبعا هاذي لا تلمسينها ابدا و لو تستقطعينها لحساب ثاني كل مانزلت و يكون الحساب بدون بطاقه افضل لك والطلب يقدم من الانترنت

ثاني حاجه
الارض وفيها لها مسارين اختاري احدهم اما من اللبلديه او منحه ملكيه
روحي للبلديه و خوذي معك صك الطلاق و قدمي لك على منحه ارض
الملكيه يتم التقديم عن طريق الديوان
في حال توظفتي بعد التقديم ما يسقط اسمك

ثالث حاجه
اجتمعي مع اخوانك و اطلبي من كل واحد يعطيك كل شهر ٥٠٠ ريال او الف على حسب حالتهم الماديه تشرطي طبعا و اكيد ما راح يعطونك بيكذا يصير لك حجه في الوظيفه و خبريهم انهم قاطعين رزقك ومن هالكلام
هنا يجي دورك دوري لك وظيفه فيه موقع اسمه حلول البطاله ينزل و ظايف بشكل يومي تقريبا


رابعا بدال دوشه المشاوير و التكاسي
قولي لابوك انا مطلقه وتطلع لي فيزه سواق و فيزه شغاله مجانا ماعليك الا قيمه التقديم
بحيث اني ما اتمرمط مع امي في مواعيدها في الشموس وهي كبيره وتتعب ومن هالحكي الرخيص
طبعا لازم اذا جاء السواق تشتغلين على طريقه ان خواتك ما يركبون فيه قولي بسمح لكم بشرط تتقططون وتدفعون لي
مبلغ الفيزا ترا ١٥٠٠ و لا ٢٠٠٠ تفرق

خامسا عيالك
فهمي اخوانك انك ام وتفقدين ضناك وهم مو حاسين لان حولهم عيالهم و انك تغبطينهم اذا شفتيهم سوا و شويه دمعتين و كسره خاطر قولي بشوفهم لو من بعيد لبعيد بمر المدرسه بنتي واخلي المديره توريني اياها بدون لاتدري البنت
طبعا شوي شوي وصيري اجلسي مع بنتك و نبهي عليها ما يدري ابوها انك تشوفينها لا يغير المدرسه و ما عاد تعرفين وينها

سادسا
ارجعي لزوجك
بتقولين مو بكيفك بقولك تقدرين خلي بنتك ترسل رسايل مبطنه لابوها باسلوب طفولي بحت و عطيها دورس وانتي و شطارتك و ذكاء بنتك


سابعا
قيام اليل و الاستغفار سحرررررررر جربيهم ماراح تخسرين و تعالي بعد شهرين وبشريني

الله يفرج همك يارب ويحفظك

الله يجزاكم خير ويجعل كل كلمة كتبتوها في ميزان حسناتكم
واختي اللي ارسلت لي في الخاص ماقدر ارد عليك بالرسايل لان عدد مشاركاتي قليل بس الله يجزاك الف خير

ماوراء الضيق الا الفرج بإذن الله