أبي أرئكم لو سمحتو

جزاكم الله الف خير

الله يصلح الحال ويهديهم ويحنن قلبهم عليك . شوفي ممكن تسجلين بالتحفيظ بالعصر تطلعين ولا تجين الا بالليل وتسوين نفسك تعبانه بالليل مثل اختك وتسوين لك عشاء صامولي وتحطين راسك وتنامين خليهم كذا يتادبون . والفطور سوي لك ولامك وابوك فطور الصباح لان الكبار يصحون بدري فطريهم وافطري معهم وغسلي مواعين اكلكم وروحي فوق نامي او طقطقي على النت وخليهم يهاوشون زي مايبون . ولما يقولون شي قولي لهم انتم مب غريبين انتم من اهل البيت اطبخو وكولوا انتم وعيالكم . ولا تشيلين هم واذا هاوشوتك امك لا تزعلين بس قومي بها ولا عليك من غيرها قولي لها انك مسؤولها عنها وعن ابوك مب عنهم وطالما ما تقدر تقول لهم شي رغم انها تاذى منهم انتي مثلهم . وخلي البيت يتكركب عليهم لين يقولون امين . شي طبيعي الواحد اللي يلقى خدمة خمس نجوم له ولعياله بيستانس ولايهتم . ومهما قالوا لك طنشي هم يبنغاضون . واكثري يختي من الاستغفار لعل الله يصلح الحال ويرزقك . 

طيب بسالك لو ماطبختي وش راح يصير؟
قولي لخواتك نبيها دوريه كل مره وحده وانا اتعب
رفضو؟ قولي اجل انا كل يوم بطلب لمي وابوي واعذروني ياخواتي ياحبيباتي ميزانيتي ماتكفي اني اغديكم واعشيكم كل يوم والطبخ صعب علي وحنا كثار جبيها باسلوب اول شي وكثري من ياعمري انتم ياحياتي

قالولك كلمة تجرحك قولي ترا عندكم بنات لاتدور الدنيا بهم

واذا شفتيهم يهاوشون لاتناقشين طنشي وحطي سماعات باذانك وروقي

(اذا خواتك يستاهلون انك تضحين بنفسك ضحي اما اذا مايستاهلون ابد لاتعورين راسك وريحي جسمك )

مايصير هي المسؤؤله عن البيت عيب كذا تطبخ اللي يكفي أمها وأبوها القدر راكب على النار راكب صح مثل الفطور أقولك كل واحد يخدم نفسه النايم كذلك اللي مايحضر الوجبه اما أجي أنزل اكلي وسط خواتي على قد امي وأبوي بدون اي تقدير كانك تقولين لهم أنتم ماابيكم وش دعوة ترى الغداء كله دجاج ورز ان كثر وقل مايتعب
العشاء هو اللي مكلف شوي

مثل المواعين الشاي القهوة هذي خلي بنات خواتك يسونها ناديهم شغليهم معك
بس لاتتصرفين بطريقه تجرحين فيها خواتك. وصلي المطلوب وإنتي تضحكين وهم يضحكون فهمتيني

لو انت محل وحدة من خواتك وأختك تطبخ وتنزل الاكل قدامك بهالطريقه وش تسوين؟؟؟