مع رغد| كوني أجمل $_$ *كيف تهتمي بنفسك*
السلام عليكم ورحمة الله وبركاته
موضوعي اليوم رح اكتبلكم فيه كيف تهتمي بنفسك من الألف إلى الياء ..
طبعـًا ي بنات الإهتمام بالنفس مو بس في المظهر الخارجي ولا بس في النظافة الشخصية !
لما تجي تهتمي بنفسك اهتمي بكل الجوانب يعني حتى نفسك من جوا إنتي لازم تجمليها زي ما تجملي مظهرك الخاجي ..
لو كانت نفسك من جوا حقودة > غيريها حبي الخير لغيرك وسامحي ولا تحقدي ..
لو كانت نفسك من جوا تعيسة > اسعدي نفسك وفكري في السعـآدة أبدًا لا تعطي للتعاسة مجال في نفسك ، وقت ما تجي تفكري في تعاستك على طول غيري الموضوع بينك وبين نفسك وفكري في السعادة بس وحتى لو ما كنتي سعيدة أوهمي نفسك بالسعـىدة رح تلاقيها..
وطبعًا ي بنات زي ما تعطي وقت عشان تجملي نفسك بالخلطات وبالمكياج، قد الوقت دا أعطي منو لربك وحاقولكم كيف الطريقة ;)
أول شي نبدأ فيه النظـآفة الشخصية (وقت الدورة الشهرية)..
كل شهر بعد ما تخلص منك الدورة الشهريـة لما تجي تتنضفي منها نضفي جسمك كـامل يعني شيلي شعر يدك ورجلك والمناطق الحساسة بالحلاوة ..
وسوي هادي الخلطة :
قشر برتقالتين مبشورة
قشر ليمونتين مبشورة
6 ملاعق كبيرة شوفان مطحون
نص كوب موية ورد
نص كوب زيت زيتون
اخلطي المكونات مع بعض وبعد ما تشيلي جسمك بالحلاوة غسليه وبعدين حطي عليه الخلطة لمدة ربع ساعة مع التدليك ،3 ايام ورا بعض .. (في الربع ساعة وقت الانتظار استغفري واذكري الله أو اقرأي قرآن *تقوليلي لسة مااتنضفتي كيف تمسكية؟ .. أقولك في برنامج اسمو آيات نزليه ع جوالك واقرأي منو*
ايش تسوي الخلطة هادي؟
الخلطة دي حبيباتي تمنع من ظهور الشعر يعني ليزر طبيعي :p
حتلاحظي انو شعر جسمك سار لونو اشقر وبعدين يخف شوية شوية ..
استمري على الخلطة دي كل شهر لمدة 3 ايام متتالية وان شاءالله ماعاد رح يطلع شعرك وادا طلع حيكون خفيف وطبعـًا يختلف من وحدة للتانية ..
طيب بعد ما تستحمي وتغسلي جسمك بإيش حتغسلية ؟
غسلي جسمك بخلطة الصابونة دي
>الصــــــــابونة<
وبعد ما تخلصي جيبي مسك الطهارة وادهني فيه المنطقة الحساسة عشان تسير ريحتها حلوة
والله ي بنات تجلس ريحة المسك يومين حتى في الملابس الداخلية تمسك $_$
واليوم التاني جيبي ملح خشن + عصير ليمونة + جلسرين اخلطيهم مع بعض وافركي فيها جسمك وخليها ربع ساعة (وقت ما تستني اجلسي استغفري وقولي اذكار ولو كنتي في الحمام*الله يكرمكم* اذكري في قلبك) بعد الربع ساعة بالليفة افركي جسمك وبعدين غسليه ..
*اللي حتسأل ليش اليوم التاني؟ حاقولك عشان الليمون والملح حيحرقك وانتي دوبك أزلتي الشعر*
وبكدا خلصت النظافة وقت أيام الدورة ..
وبعد كدا حنجي للنظافة اليومية..
يتبع..
