هل أطلب الطلاق أم لا؟

السلام عليكم ..
عزيزتي ... قصتك مؤلمة جدا وللأسف هذا حال كثير من بناتنا
لو ان في امل من تغيره لقلنا ان الصبر ومحاولة اصلاح الامر ممكنة ولكن دققي في تفكيرك واسترجاعك للامور فهو كان يستغل طيبتك وحبك وبنفس الوقت حاجتك له
اعذريني لصراحتي
ولكن فكري بصوت مسموع ..قد يكون الرجل من هذا النوع صعب اصلاحه او تغير افكاره وسيفعل ما فعله معك مع الجديدة بطريقة او باخرى
ولكن بالجانب الاخر .... عُمر الخير والطيب ما يذهب عبث وسيذكر زوجك في يوم من الايام انك كنتي معه وصابرة عالحلوة والمرة وخير عون له ومنحتيه من عمرك و عاطفتك والكثير ..
قارني بين ما ترتاح له نفسك ... الصبر الى ان يأتي يوم و لحظة يندم بها وقد تطووووول فترة ا نتظارك
أو اتخاذ اجراء حازم يحل المشكلة كالانفصال مثلا .
وتأكدي من أن القرار نابع من قناعة شخصية وبعد الاستخارة وطلب المشورة
وليس قرارا نابع من ضغط طرف آخر واحتسبي الاجر وعوضك الله خيرا
ردي لكي أُخيتي نابع عن قصة وتجربة واقعية
والله يوفقك

ودمتي ...

اختك
حبة سكر..

راي من راي مسك وعنبر وكادي

xxxxxزوجج ماقدر التضحيات و التنازلات اللي قمت فيها.... و لا حفظ عشرة 9 سنوات... و العلاقة اللي هو فيها من 4 سنوات ترى ماهي علاقة بسيطة هذا عمر! و لولا انه مو متعلق فيها و يبيها جدام الكل و اولهم انت شان ما طلب الزواج! و لا اهملج هالفترة كلها.... الله معاه... باللي ما يحفظه هو وياها.... شوفي انت حياتج... و ديري بالج على بناتج والله يعوضج خير فيهم....

:27:

عزيزتي
و لا وحدة من عضوات المنتدى بتفيدج.... لا أنا و لا كل إلي ردوا
تعرفين ليش؟
لأن نحن ما نعرف القصة من كل النواحي!
إلي نسمعه منج هو صوت الزوجة المجروحة إلي خانها زوجها
و شي طبيعي بتحصلين على تعاطف مننا
طيب و الحل؟
أنا من إلي يأيدون مقولة (أبنج على ما اتربيه، زوجج على ما اتعودينه)
ردي بيتج لأنه بيت أهلج
و استمري بحياتج
قومي بواجباتج لزوجج
و لا تكلمينه!
جهزي اكله.. ثيابه... رتبي مكان نومه..
و اذا طلب حقه الشرعي منج.... عطيه....
بس لا اتكلمينه!
الريال بيتخبل من هالشي... بيشوفج مب مقصرة معاه.... و هو إلي مقصر.... فإذا هو فعلا يهتم فيج و ايقدرج.... بيراضيج

نقطة أخيرة....
يا حريم يا معرسااااااااااااااااااات
التنازل عن اشيا كثيرة في الحياة الزوجية أمر زين
لكن ان الوحدة تتنازل عن بعض حقوقها (النفقة)
هذا غللللللط
لو انتي مليونيرة و هو ما عنده شي..... غصبا عنه ينفق عليج! لأنه هو الريال !
لا تستغربون بعدين اذا الرياييل قاموا يغلطون عليكم و ما يقدرونكم
مب كل الرياييل شياطين... و لا كل الحريم ملائكة

والله ما جاب البلا الا هالتنازلات اللي مالها سنع

الوحده اذا ماعزت نفسها لاتنتظر من احد انه يعزها


الوحده تتزوج وتتنازل عن كل شي على بالها بتخفف عليه وبكذا تظن انه بيصير مايستغني عنها لكن الاخ يصدق نفسه ويظن انو الزواج شي بسيط وتااااااااافه ولافيه مسئوليات ولا شي واول شي يسويه يتزوج عليها

هذا شي متوقع دامه شايل يده من كل المسؤليات


حبيبتي دامه ماسئل عنك كل هالشهور لاتحرقي اعصابك عليه هو الحين تلاقيه طاير مع حبيبته من شهر عسل ومن مكان لمكان وانتي جالسه تحرقي بنفسك عشانه

من باعنا بعناه وهذا بصراحه ماعليه حسافه
ولاتخافي على بناتك ماتحمل مسؤليتهم من قبل مااظن يطالبك فيهم بعدين


انتي شوفي نفسك اذا عندك استعداد تسامحيه لو فرضاَ رجع لك اصبري عليه وحاولي يمكن الله يصلحه
واذا ماعندك استعداد خلاص لاتجبري نفسك على شي فوق طاقتك


والله يكون بعونك
تحياتي