تجمع المدللات الكسولات 2 ... ما أحلانا لما نتغير

صباح الخيرات
مشتاقه لكم رجعت لكم بعد 9 ايام ماحد سآل عني
كنت عند اهلي ورجعت امس با الليل وحاولت انام بس نومي ملخبط ماقدرت انام زين
والحين الساعه 6 صباحااا اليوم الخميس الونيس ههههههههه
بهجم ع البيت يبي له تنظيف شامل الله يعيني

صحيت 6 وصلحت فطور وقهوه وشاي ابي اصحصح
وافطرت انا وابو الشباب وراح لدوام
وقمت ع البيت 7 ونص وخلصت 9 ونص
نظفت الحمامات الرجال والنساء وغسلتها بكلوركس وتايد والغسالات كمان والمطبخ مسحت الرخام والارضيه وكنست البيت كله وغسلت 3 دفعات ملابس
باقي تمسيح كنب المجلس والبلازما وغرفة النوم فقط
وابخر البيت
ابرتاح واتقهوى واذا خلصت كملت واطبخ الغداء
وبس

السلام عليكم ورحمة الله وبركاته. 
ماشاء الله عليكم مجتهدات  عساكم ع القوة دوم. اعمالي الي قمت فيها الاربعاء  نظفت المطبخ والثلاجه نظفت الحمام عميق غسلت دفعتين ملابس ورتبت باقي البيت عادي وبخرت الثلاجه بمستكه والبيت كله ورجعت بخرت البيت ببخور .
اليوم ناويه انظف غرفة النوم عميق وباقي البيت تنظيف عادي عالسريع والله يعين..

مرحبا اااااا كيفكم اليوم مانمت الصبح يعني مواصله على الساعه تسعه الصبح بديت اسوي غداي محشي ومكرونه بالباشميل ماخلصت 2الظهر من الطبخ والمواعين بعدها تغديت ورجعت نظفت المطبخ بس ماغسلت سرميك المطبخ لان الجو مره غباار وكنست الصاله ونظفت الحمام وغسلت المغاسل ورشت عيالي ونمت المغرب قمت قبل شوي ناويه اطلح بالحوش بشوف كيف الجو اذا كان مافيه غباار بنظف البيت واغسله وان شاالله مافيه غبار

هلا بنوته . تمام .كيفك انتي .
انا زعلااااااانه مرة منكم يابنات وين الحماس ليش هالنوم بدينا بالكسل يعني . لاتقولون مايمدي ندخل ع المونت .ادخلي بس حطي نقطه وتوكلي ع الله اهم شي ندعم بعضنا .ونحس انو احنا بنساند بعض .....المهم وش سويت اليوم .مانظفت الغرفة عميق لانه ما امداني بسبب نومي الملخبط  صحيت 11 الصباح سويت غدا وتغدينا نظفت المطبخ والارضيه ونظفت الحمام الله يكرمكم وغسلت باقي الملابس مسحت الصاله ورتبت غرفة عيالي وكنستها مسحت الابواب وبخرت وسويت قهوة وطلعنا العصريه برا البيت وبعدها جوني ضيوف العشا  والحين بللت الفناجين والبراريد ومواعين العشا عشان اغسلها بكرة بسرعه  .
اعمالي لبكره بشوف الى اين تقودني رجولي وبمشي معها هههههههههه ياخوفي توديني للسرير ^_^ لا لا اعوذ بالله من الكسل .المهم في شي بقوله لكم ضرووووري ويمكن كلكم تعرفون هالشي  بس نذكر فإن الذكرى تنفع المؤمنين .
انا بحثت في النت على شي يساعدني  على شغل البيت وينشطني  ويبعد الكسل وقريت كثير مواضيع واهمها  حديث فاطمة للرسول عليه الصلاة والسلام لما جت تشتكية اعمال المنزل وان الرحى اثر في يدينها وتطلبه خادم فقال لها الا ادلك على خير من ذلك والحديث معروف سبح الله 33 واحمد الله 33 وكبر الله 34 قبل النوم  والله يبنات يعطيك نشاط عجيب وبالفعل يغنيك بإذنه عن الخادمه حتى وانتي مكسله وتعبانه تلاقي رجولك توديك للشغله جربوها  ماتكلف شي واحتسبو الاجر في اعمال المنزل  سعادة زوجك وعيالك وسعادتك انتي في بيتك  والله يقويكم يارب ومعليش ع الاطالة  حبيباتي ...