السلام عليكم ياحلى حوائيات
موضوعي حطيته بغيت اتاكد من نظرتي للامر هل هي صحيحه والا انا مبالغه
يوم كنا ندور لاخوي ونبغى نخطب له قالت امي على وحده من قريباتنا جميله واخلاقها حلوه وماعليها كلام بس كانت اخت زوج اختي عاد قلت لا صعبه بكذا اختي بيكون وضعها صعب ويصير حزازيات واي مشكله عندهم بتاثر عليها وامي ماكانت مقتنعه بكلامي وانا والله ماكان لي خاطر يتم الموضوع والحمد لله ماصار نصيب اخوي طلع حاط عينه على وحده من قرايبنا وخطبها وقريبتي الاولى طلعت شبه مخطوبه عليها كلام يعني
هنا سؤالي هل فعلا هالنوع من الزواجات مشاكله كثيره كون اي مشكله تصير مثلا بين اخوي ومرته اللي هي اصلا اخت زوجي احس راح يأثر خلافهم علي انا وزوجي او على الاقل بيني وبين اهل زوجي
اخذت هالفكره من صديقتي كانت تعاني من الموضوع اذا جات اخت زوجها زعلانه قلبوا عليها وهي تتعب وتتازم من الوضع خصوصا اخوها ومرته مشاكلهم كثيره
وكمان قريبتي كبيره بالسن تقولي عن بنتها انها كانت تقولها الله يسامحك يمه حطيتي فلانه << مرة اخوها واخت زوجها
تقول حطيتي فلانه زي الموس بحلقي ان تكلمت تعبت وان سكت تعبت
وانتوا ايش رايكم ؟!
شاركي في النقاش
سجلي الدخول لإضافة تعليق.
التعليقات
27- مو حلوه المصاهرة اللي زي كذا مايجي وراها الا التعب
من تجارب كثيره
وحتى لو الرجل عاقل وفاهم لازم يتأثر غصباً عنه
فمن رأي البعد أحسن - اتفق معك
لا أؤيد زواج الاخوات والاخوان .. من عائلة واحدة
الان لابد من المشاكل والحزازيات
وقد تصل الامور للطلاق
لا سمح الله
وفي عائلتي صارت كثير مشاكل من هالنوع
وصاروا يتجنبوا يخطبوا لاخوان واخوات من نفس العائلة
صديقتي هي واخواتها متزوجين اخوان
وحياتهم كلها مشاااااكل
وغير الامراض الوراثية الان اهم في الاساس اقراب من الدرجة الاولى
والاخوات كلهم اخذوا اخوان
ما فيه تنويع في النسل - ما انصحك ابدا رح تفتحو باب للمشاكل مايتسكر من خلال اكتر من تجربه بعيلتنا ..
وبالتوفيق للجميع - كل شيء نصيب مكتووب
- شراب فروتي واهات رحله نورتوا الموضوع تسلمون حبيباتي
يعني انتوا نفس رايي انا ماكونت هالفكره الا من حالات شفتها
بس للامانه شفت حاله وحده بس كانت ناجحه ماشاء الله اقلها ظاهريا بس اتوقع لانهم ناس متفهمين وقلوبهم طيبه بس اكيييد يبقى الوضع فيه حزازيات
وكل واحد يخاف تاثر مشاكله على الاخر سواء اخت او اخ
مواضيع مشابهة
تابعي تجارب أخرى من هذا القسم.