مرحباا
بدخل بالموضوع ع طول
انا متزوجة لي سنة وشوي طالبةة .. واروح للجامعة في باص بحكم عمل زوحي وارجع للبيت ع 3 ونص واحياناا توصل 4.00
المهم عشان احس يومي كله رايح للدوام احس ضايعةة
لا اطبخ لزوجي ولا مهتمه بالبيت ولا نفسي بعد
لان كنت مرتاحة عند اهلي شغالة والجامعة تبعد 10 دقايق
بس حبيت اتغير ..
زوجي عطاني مصروف البيت لان اخر الشهر ماعندنا ولا ريال
وقررت اشري الاشياء الضرورية وافكر اشريها بالجملة
انا ماعندي مشكلة بموضوع الشراء نفسه عندي مشكلة بالاغراض
بحكم اني الصغيرة من خواتي ماكنت اسوي شي
هن ماشاء الله سنعات وراعيات بيت لان ماكان عندنا شغالة وقتها جابوا الشغالة لان عند امي وابوي اناا ماااسنع شي ..
وتزوجت وحسيت بنعمة شغل البيت عند اهلي ..
المهم اناا ابي تكتبون لي وش اشري بالجملة او لا
ماابي اسال خواتي انا عايشة بعيد عنهم
ابي اكون شاطرةة بمصروف البيت
ابي اشري صح ..
وش صابون الملابس تايد او بونكس ايهم ارخص
اجيب كرتون منه اولا
فيري او غيرة وش اجيب مطهرات للحمام والمطبخ
يعني كل شي
وش تشرون انتم كل شي اكتبوه بس الاهم يكون ارخص بفرق واحسن بعد
ابي اشري بذكااء
تفاعلواا معي ..
شاركي في النقاش
سجلي الدخول لإضافة تعليق.
التعليقات
18- صاحبة الموضوع #88117528مصروف البيت عطاني 2.000 الفين
بس اناا مبذرةة وكنت اصرف اكثر من كذا ع خرابيط لي والبيت
بس حسيت ع نفسي الحين و دريت عيشتي عند اهلي واللعب بالفلوس عند زوجي غير مع انه ماتكلم بس لاحظت اني مثقلة علية وراتبة يروح ع فشوش ..
احتااح مسااعدةة ساعدوني - انا نفسك ماسكة مصروف البيت 2000وازيد عليكم بطفل بالبدايه حملي تطبيق العثيم وبنده وكارفور والله احيانا يصير عندهم عروض تجنن انا الصابون اخذ اريال من عند العثيم دايم عليه عرض ابو 3كيلو واذا كان عرضه قوي اخذ حبتين او ثلاث منه والرز والسكر العثيم دايم مسووي عروض عليه وطريقتي اقسم كل يوم له 50ريال يعني بالاسبوع 350وكل اسبوع اخليه بظرف والباقي اخذ اغراض البيت الاساسيه منه وال 50هذي باليوم اخليها للعشاء او اشياء بسيطه من البقاله وتكفي وزووود ان شاءالله وخل عندك محفظه واي شي يزيد من مصروف اليوم حطيه بالمحفظه وشوفي كيف بتوفرين
- صاحبة الموضوع #88123412ايةة اناا حطيتهم بمحفظة وخليت جنبة ورقة اكتب فيها كم صرفت ولايش
بس لسى ماشريت الاشياء اللي ابيهاا مدري خايفةة اتكسل واطنش
لان ابرجع اداوم وترجع الامور تخرب ..
اناا ابي اسماء الاغراض اللي اشريهن ايش
ابي لستةة عشان اعرف - شوفي ياقلبي صعب نعطيك لسته بالاغراض لان كل بيت تختلف احتياجاته عن الثاني بس ممكن اعطيك التقسيم العام
منظفات : كلوركس / اريل او تايد او .../ بخاخ زجاج /فيري للمواعين /كومفرت
معلبات : جبن /قشطه / مربي .. حليب / شاهي
لحوم ودجاج : بما انك بس انت وزوجك خذي مبرد واول ماتاصلين البيت قطعيه نصين وكيسيه وعل الفريزر وممكن تقطعينه صغار للصواني قبل التفريز نفس الشي اللحم قطعيه صغار للايدام وكبار للكبسه
خبز ورز ومكرونه دقيق : الخبز جيبي كميه تكفيك اسبوع وجيبيه وهو لسه حار وطري وقطعيه ارباع وعل الفريزر وطلعي وحميه حسب احتياجكم ونفس الشي الصامولي الكيس فيه 8 قسميه في اكياس نايلون حسب احتياجكم اليومي كم تستهلكون في اليوم 2 او 4 ....ونفس الشي عل الفريزر وكل يوم طلعي قبل بوقت بتلاقيه طري كنه طازج
مناديل : جيبي كرتون /اكياس زباله /سفر اللي تنرمي
زيت /صلصه / بهارات/ ملح /سكر /
شامبو / صابون للجسم /
خضار وفواكه لاتكثرين بالكيلو يكفيك اسبوع
وطبعا انت ادري باللي تستخدميه انت وزوجك ولاحظي الاسعار وشوفي النوعيه الجيده والسعر ووازني بينهم ولا تبذرين في استخدام المنظفات تري كميه بسيطه تكفي
2000 ريال بتكفيك وتزيد وفري منها لوقت الحاجه وتصدقي بجزء منها
نفس الشي الوجبات اعرفي الكميه اللي تكفيك انت وزوجك واعتمديها
ممكن تطبخي من الليل ومن بكره تكملي الطبخه او فطري زوجك وعشيه والغدا من بري
ممكن تكشنين لحم مفروم بكميه وتقسمينها في اكياس وعل الفريزر وتستخدميها للمكرونات وللمسقع ...ماتاخذ وقت معك
ممكن تفرمين دجاج وبقدونس وبصل وبهارات وتسوين كفته اصابع وفرزنيها وطلعي واقليها او اشويها في الفرن مع بطاطس وخبز
فيه طبخات كثير ينفع معها التجهيز المسبق ابحثي عنها في النت اتمني اكون افدتك موفقه - حبيبتى الف حطيها على جنب وحاولى تجربى الف
واكتبى احتياجاتك ضرورى نكتب عشان تعرف
الدجاج مبرد وتقسمينه نصين والسكر اشترى الخشن اوفر لان الناعم مهما حكيتى مايبان
تعلمى من الحين اذا جاكم بزر بتزيد مصاريفكم
وعندك بموقع الطبخ صوانى ماتاخذ وقت
الدجاج من الليل تبليه وحطيه تحت واذا جيتى اشويه
عندكى اسواق الجمله او ابو ريالين خذى منه المنظفات واكياس الزباله والقصدير والسفر اوفر
وبنده ولا العثيم خذى العروض ودايما ابتعدى عن الشى اللى ماتحتاجينه هذا اللى يخسر
مواضيع مشابهة
تابعي تجارب أخرى من هذا القسم.