عادات مجتمعي خلتنا على الحديده..

الله يرحم عبدالله ويسكنه جنته
هالعادة مو موجوده عندنا
انا في ولادتي زاروني ناس ما زرتهم
و انا بعد زرت ناس ما زروني
والهدايا والفلوس نفس الشيء
كل واحد و قدرته
بعد في عادة ما عرفتها الا من عالم حواء
ان الوالد تشتري توزيعات للضيوف !
احنا ما عندنا هالشيء بالعكس الضيوف عما يجيبوا
الحلى والاكل والشاهي صبح ومساء و ليل وكل وقت
الحمد لله مرتاحين

جود وعهود
سلفتي ماشاء الله معطيه الناس ظهرها
العزيمه شاهي قهوة و تمر والا حلى اذا موجود
والناس تحكي من وراها
وصاروا يحكوا في وجهها
و تضحك تقول اكرمتكم و ما قصرت
ما انتوا جايين تبلعون
جايين نشوفكم وتسوفونا
ولا همها !! و انا بسوي مثلها
ليش امد سفرة طول وعرض
مع ان مجتمعي بسيط لكن بدوا في حركة السفرة اللي من الباب للباب
لكن زي ما قلت الجود من الماجود

هذي من العادات الموجودة في كل المجتمعات العربية موب مقتصرة علة مجتمع معين، وما أشوفها فعلا تضرب الميزانية مثل ما نحاول نقول.. يعني موب معقولة 10 مناسبات في الشهر!! كلها مناسبة أو 2 .. والأفضل أتواصل مع الناس وولا أنقطع عنهم .. لأن الهدايا تزيد المحبة والرسول صلى الله عليه وسلم يقول ( تهادوا تحابوا)

المشكلة بالتوازن لا إفراط ولا تفريط

وعلى اللي ما تكرم ضيوفها إلا بتمر وقهوة فهذا هو قدرها عند نفسها .. أنا ما أزعل من اللي قدم لي كوب ماي ويكتفي .. بس أعرف إن هذا تقديره للمادة أهم من تقديره للناس .. لكن مستحيل يوصل بيتي وأعامله بالمثل .. لأني أحب أقدر ضيوفي بدون مبالغة .. ما يحتاج أذبح وأمد سفرة طول بعرض .. لكن شوية بسكوت وفواك وعصير وشاي وقهوة .. وممكن أسوي بيتزا أو فطاير ..شيء بسيط يحلي القعدة ..

الله يرحم الملك عبدالله ويدخله الجنه
يازين زمان اول البساطه وسعة الصدر

^
فيه ناس حتى التمر غالي عليهم فلا تستغربين لو يقدمون لك قهوة و حبتين تمرر!!
وسلفتي تكرم ضيوفها وتقدرهم والا ما عزمتهم كل فترة
وترا العشاء متكلفه في الذبايح الله يزيدها
بس البلا في اللي يتكلف في كل شيء
حتى التقديمات صارت بسعر ذبيحة
ترا تحرجون الفقير اللي ماعنده يجاريكم !!
و بالعكس ليش ازعل
انا ما يزعلني كثر الاكل يزعلني اللي تستثقل جلستك
ولا تتكلم بس تبلع وعيونها مفتحه والاذن وش كبرها و الفم مخيط
ومن البكرة غسيلك منشور
هذي اللي من جد ماهمها الا نفسها
احترامي لك