السلام عليكم
....
صبرت ...صبرت بس خلاص موقادره اتحمل حركات زوجي
مدري وش فيه من يوم تزوجته عادي طبيعي لكن بعد زواجنا بثلاث شهور كوابيس تجيه وافكار غريبه
وكنت اصبر عليه
هو الحمد لله يصلي ومحافظ ومايقصر
بس حالته تعبتني
عندي بنوته صغيره يقول عالبنت تعبانه
وهي مافيها شئ الحمد لله بس كذا يقول لا هذي مريضه
واحيان بالليل وهي نايمه تصيح جوعانه أو خايفه ويقول لاهذي تشوف احلام ماهي زينه تخصنا وتبكي
واحيان تلعب قدامه وتشوفه وتصيح تبيه يشيلها ويقول ابعد بها عني لاتخلينها تناظرني
مدري وش تفكيره
ولمن تقول بابه يقول بسم الله ليش تنادي علي أكيد بيصير لي شئ موزين
ومايخليني أحط لها ع طيور الجنه يقول القناه هذي تضرها هو صاحب القناه فيه شر لنا
واحط على أي قناه ويقول لاتحطي على طيور الجنه
يعني قصده إذا البنت تتفرج عليها يجيها شئ
واحيان يقول سوي حلا معين ووديه معك لفلانه لان هالاكله هي فيها الأجر
وأقوله بسوي شئ ثاني وهو لا أكله معينه
طبعا هالحاله مودايم أحيان عادي ويلاعب بنته ومايقول شئ
واحيان يقلب على هالحاله ويأخذ له كم يوم موسوس وسرحان وتفكير وماهو معنا نهائي
تعبتتتتتت تعبت
مدري وش فيه وسواس والسحر ولا ايش
وهو عنده قولون مدري منه ولا
والله أحس خلاص موقادره اصبر أكثر من كذا
أقوله انت موسوس تعوذ من ابليس
والمشكلة يحلف يقول لا صح والله
ومره يقول جاني رجال بحلمي وقال سم بنتك فلانه
خلينا نغير اسمها ورفضت
آه بس الله يصبرني
شاركي في النقاش
سجلي الدخول لإضافة تعليق.
التعليقات
21- الله يعينك ويصبرك ويفرج كربتك
موعارفه ايش اقولك 😌 - الله يعينك ويشفي زوجك قولي للاحد من اهلك يودونه المستشفى وادا قالو ماعنده شي ودوه الشيخ يقرا عليه ؛-الله يسعدك؛-
- الله يشفيه اكيد تصرفاته مو طبيعيه
شغلي المعوذات في بيتك وايه الكرسي ولاحظي ايش يحصل له يعني يضيق نفسه او يطفش او يتعب ويقفل الصوت
اذا كان كذا كلمي اهلك يكلمون امه يجيبون شيخ له يقرا عليه يمكن حاصل له شيء زوجك
ماتوقع سحر والله اعلم لكن وسوسه الموت والمرض
خليكي مع بنتك على طول انتبهي لها المريض مايحس في نفسه ابد انتي المسوله عنها لين ربي يشفيه
اقري التحصين عند الفجر والمغرب وامسحي على نفسك وبنتك وزوجك وربي يحميكم ًو يحفظكم
ايوه كمان في شيء لكن مابي تشكين ابد في زوجك او تخافي دوري في ملابسه واغراضه يمكن تلقي شيء يدلك على حاله زوجك واذا لقيتي حاجه يمكن تقدري بأذن الله تساعديه بدري بدل ماهو تعبان كذا وانتي محتاره لكن كوني زوجه قويه همها تعالج زوجها ويرجع مثل ماكان مو انسانه انانيه وغيوره راح تقلب الدنيا مشاكل
لا تتخلي عنه ابد هذا ابو بنتك حاولي توقفي معه وتساعديه لين ربي يشفيه لكم - الله يجزاكن خير
والله تعبت والمشكله أحسه ماسك على بنتي ماهوصاير طايقها
يقول مريضه تحتاج دار رعايه آه بسسسس بكيت لين قلت بس
والله ماصرت أثق فيه وأخاف منه أخاف يسوي شئ
والمشكله ماقدر أقول لاحد
الناس يبهرون ولو قلت لأي احد ينتشر الخبر
واسبب له مشكله وهو قبل كذا راح لشيخ وقال مافيك شئ
بس أنا نفسيتي تعب أحس من التفكير والبكاء جسمي انهد
يارب تشافيه وتعافيه وتربط على قلبي
وبنتي تصيح وتناديه تبغاه وهو شارد عنها - القولون يسبب وسوسه وتوتر وقلق
مواضيع مشابهة
تابعي تجارب أخرى من هذا القسم.